نتيجة:

دراسه الطيران وشروطها واسعارها فى مصر وخارج مصر -2020

 دراسه الطيران وشروطها واسعارها 2020.2019

دراسه الطيران وشروطها واسعارها فى مضر وخارج مصر 2017
دراسه الطيران وشروطها واسعارها فى مضر وخارج مصر 2020

ف البداية الطيران عباره عن رخص طيران 
(1) رخصة الطيران الخاص: private pilot licence (ppl) بتسمح لك بالطيران في ظروف محدوده وغير مسموح بالطيران بالاجر 
شروط الحصول عليها طيران 45 ساعه فعليه و 10 ساعات تشبيهي 
* مده الدراسة من شهر ل3 شهور حسب الرخصه وحسب استيعابك 
(2) رخصة الطيران الليلي: Night rating (Nr)
ودي بتسمحلك بالطيران الليلي 
مده الدراسه شهر تقريبا 
(3) رخصة الطيران الالي: instrument rating (Ir) 
دي بتسمحلك بالطيران في جميع الظروف الصعبه بالعتماد علي الالات من غير رؤيه 
ملحوظة يفضل انك تاخدها قبل الطيران التجاري لان الطيران التجاري بتطير ساعات كتير متكرره من الافضل تستغلها انك تتدرب علي الطيران الالي فيها 
(4) رخصة الطيران التجاري: commercial pilot licence (cpl) 
اهم رخصة ودي اللي بيسمحلك بعدها انك تشتغل ف الشركات وماينفعش تبدا بيها لازم تدريجي وبتطير خلال الرخصه دي 140 ساعه فعليا 
(5) رخصة الطيران متعدد المحركات: multi engine rating (me) 
ودي بتسمحلك الطيران علي طائره بمحركين معظم الشركات بتطلب 45 ساعه علي طائره بمحركين 
* (ملحوظة) يفضل اخذ الرخص بنفس الترتيب السابق 
_______________________________________
* ثانيا شهادات ورخص الطيران 
easa _ faa _ icao 
(1) الاياسا _ الوكالة الاوربية لسلامه الطيران (easa) 
اقوي رخصه في عالم الطيران واغلاهم وبتاخد فتره اطول علشان تحصل عليها وبتركز علي جانب نظري كبير ولابد من الحصول عليها علشان تشتغل في اوروبا وفي بعض الدول والشركات الغير اوروبيه بتطلبها 
مده الدراسه عاده من 18 ل24 شهر 
اشهر الاكاديميات اكسفرود و ctc في بريطانيا
(2) federal aviation administration (faa) 
رخصة الطيران الامريكية من اسهل الرخص واسرع الرخص ف الحصول عليا بتركز علي الجانب العملي اكتر من النظري عكس الاياسا مده الدراسه تقريبا 6 شهور 
لابد من الحصول عليها علشان تشتغل ف امريكا
(3) الايكاو International Civil Aviation Organisation 
منظمة الطيران الدولي بيخضع ليها جميع الرخص الاخري 
زي الsacaa الجنوب أفريقيه والeacaa المصرية وغيرهم 
رخصة قويه واعتقد انها اقوي من الfaa 
الدراسه بتختلف فيها من بلد لاخري وحسب استيعاب الطالب 
* ملحوظة: يمكن التحويل بين جميع الرخص وده الافضل توفيرا للمال والوقت
_____________________________________________
ثالثا: اهم الدول لدراسة الطيران. 
(1) الشرق الأوسط: جميع الاكاديميات في مصر والاردن والامارات وقطر اكاديميات قوية جدا ومحترمه جدا (لكن غاليه) هنتكلم فيها بعدين 
الدراسه 60 الف دولار ف المتوسط
(2) اوروبا: كل الاكاديميات الاوربية لها نفس الرخصه وكلهم من وجه نظري واحد (طالما مش بتظمن توظيف) 
الدراسه تكلفتها من 35 الف يورو ل110 الف جنيه استرليني 
حسب الاكاديمية والبرنامج والتوظيف (هنتكلم فيها بعدين) 
اقوي اكاديمية اكسفرود ثم ctc في بريطانيا 
* افضل الدول بعد بريطانيا ف الدراسه اليونان واسبانيا من حيث التكلفة والمناخ المعتدل للطيران
(3) امريكا وكندا: ف الحقيقة انا بعتبر انهم دوله واحده 
متشابهين جدا ف الدراسه لكن انا بفضل كندا لعده اسباب اهمها التكلفه لانها بتتعامل بالدولار الكندي مش الامريكي وده طبعا ارخص بالاضافة انها ارخص ف المعيشة واامن واسهل ف الحصول علي الفيزا عكس امريكا والدراسه فيها بتبدا من 40 الف دولار كندي الي 60
(4) اسيا: اشهر الدول الفلبيبن والدراسه فيها نفس التكلفة هنا 50 الف دولار مالهاش لازمه
ابعد عن اسيا خالص 😃
(5) افريقيا: اهمها مصر وجنوب أفريقيا 
طبعا جنوب أفريقيا افضل ف كل النواحي من حيث المصاريف. ونفس قوه الرخصة 
جنوب افريقيا فيها اكاديميات كتير جدا وافضل شئ انها بتتعامل (بالراند) وده رخيص جدا هيوفر عليك كتير 
________________________________________
رابعا: اسماء الاكاديميات واسعارها. 
اولا جميع اكاديميات العالم غير ملزمه بتوظيفك في شركه طيران ما عدا 4 اكاديميات بسسسسسس 😄 
وده اسمه برنامج mpl
(1) Oxford aviation academy 
بتضمن تعيين للطلبه حسب البرنامج المطلوب وبالتعاقد مع شركات طيران،،،،، اكسفرود متعاقده مع شركه قطر والامارات وشركات عالميه تانيه ف الهند وماليزيا واوروبا طبعا انا ذكرت قطر والامارات لان احنا كعرب مش هنتقبل الا ف الشركتين دول 
الاكاديمية بتوفرلك افضل دراسه والتايب ريتنج اي رخصه الظراز المتفق عليه مع الشركه وف الغالب a320 والشركة بتقوم بعمل لاين تريننج وبعدين التوظيف
*** تكلفه الدراسه والبرنامج مع الشركه القطرية :: 110 الف جنيه استرليني 😔😔
(2) ctc aviation academy 
ودي اكاديمية طيران قويه جدا وبعتبرها ف المرتبه التانيه بعد اكسفرود ومقرها بريطانيا 
نفس برنامج اكسفرود بالتعاقد مع القطريه بردو ونفس التكلفة 109 الف جنيه استرليني 
لكن هي افضل من اكسفرود ف نقطه انها ملزمه بالاقامه وملزمه برد 30% من المبلغ في حاله انك رسبت ف اجتياز اختبار الشركه ودي نقطه مهمه جدااااا 
(3) Alpha aviation academy: 
اكاديمية طيران مقرها الشارقة في الامارات متعاقده مع شركه العربية للطيران وملزمه بتعيين الطلبه في شركه العربية للطيران 
لو حابب تتاكد ادخل علي موقع شركه العربية وشوف شروط الsecond officer 😉😉 
تكلفه الدراسه 540 الف درهم اماراتي
دول بسسسسس اللي بيضمنوا التعيين وانا بفضل اكاديمية الفا والاماراتيه من وجه نظري المتواضعة 😃 
باقي الاكاديميات مش بتضمن تعيين وهعرض دلوقتي اسعار باقي الاكاديميات
(1) الشرق الأوسط: 
_ الاكاديمية المصرية للعلوم الطيران (60) الف دولار 
_ الاكاديمية الاردنيه (60)الف دولار تقريبا 
_اكاديمية ايلا في الاردن (60) الف دولار تقريبا 😀

(2) اوروبا 
_ايبرتور في اسبانا ibertour aviation academy: 
(32) الف يورو من غير سكن ولا معيشه 
_ Olympus aviation academy في اليونان: حوالي 50 الف يورو 
_ partolini air: ف بولاندا ب45 الف يورو 
Scandinavian aviation academy في السويد ب45 الف يورو 
_ diamond aviation academy في الدنيمارك ب50 الف يورو
(3) امريكا: فيها كتيييير جدا لكن دول الاشهر والاسعار المتوسطة 
_ phoenix East aviation academy ب60 الف دولار 
_Florida flyers aviation academy ب45 الف دولار 
_ cloud dancer flight school ب40 الف دولار 
في اكاديمية ب30 الف دولار لكن مش متذكر اسمها حاليا هحاول اشوفها ان شاء الله 😃
(4) كندا: دول الافضل 
_saint hubert flight academy ب50 الف دولار كندي 
_blue bird aviation academy ب45 الف دولار كندي 
_ harv's air flights school ب42 الف دولار كندي
(5) جنوب أفريقيا :: وانا بفضلها بصراحة 😃
_34 air flight school: بحوالي 600 الف راند 
_loutzavia aviation academy: حوالي 450 الف راند 
_south African training academy (safta): بحوالي 400 الف راند

في اكاديميات كتير ف جنوب افريقيا كلهم الاسعار بتتفاوت ف الرينج ده
_____________________________________
****منح الطيران والدراسه المجانيه :: 😃
في بعض الدول بتوفر تدريب وتعيين لمواطنيها واشهرهم بالترتيب قطر في اكاديمية قطر لعلوم الطيران 
والامارات في اكاديمية الامارات واكاديميه الاتحاد 
العراق بتختار طلبه يتدربوا ف اكسفرود وليبيا لكن مش متاكد ليبيا لسه بتوفر الفرص دي ولا لا وعمان والجزائر بتوفر الفرص دي لكن قليله للاسف معنديش علم بالعدد اللي بيطلبوه الافضل تتوجه لوزاره الطيران التابعه لبلدك
* في بعض الشركات بتوفر منح للدراسة لكن دي قليله جدا زي الاتحاد وقطر والامارات وشركه scoot في سنغافورة 
ومن شروطها يكون حاصل علي بكالوريوس وكليه خمس سنين ومتفوق ف الفيزياء والرياضه وطبعا الانجليزي 😃 وبيطلبوا عدد قليل جدا الاغلبية من المواطنين المحليين
______________________________________
شروط دراسه الطيران :: 
1- الفلوووووووس ودي اهم حاجه انك تكون قادر ماديا 
2- السن17 سنه 
3- ثانويه عامه او ما يعادلها او بكالريوس وانا بفضل البكالوريوس زي معظم الشركات 
4- اللياقة البدنية 
5- اللغه الانجليزيه (مهم جدا) لازم icai level 4 
الانجليزي مهم لازم تحسن لغتك 
افضل الاماكن لدراسة الانجليزي في مصر British council والAUC والافضل من وجه نظري تبدا كورس conversation
___________________________________
اخيراً: ادرس في مصر ولا بره مصر وادرس فين افضل 😃 
ده بيعتمد عليك وعلي الحاله المادية 
لو معاك فلوس اكاديمية من التلاته اللي بيضمنوا تعيين ماتترددش واقدم علي طول وبفضل اكاديمية الفا 
وماتقولش دي غاليه لانك هترجع فلوسك كلها في اقل من سنتين وضمنت وظيفه في افضل شركات العالم 
لو مش هتقدر علي المبلغ ده يبقي كل الاكاديميات واحد لانهم مش بيضمنوا وظيفه وده هيعتمد عليك انك تخطط ازاي تستغل 
كل قرش ف مكانه 
نحسبها :::: ليه ادفع 60 الف دولار او 70 في اكاديمية هتديلي بس الرخص و200 ساعه 
مانا ممكن ادرس ب30 الف دولار واخد تايب ب10 الاف دولار واعمل معادله بالفين دولار واخد تايب 200 ساعه مثلا او150 ب20 الف دولار او حتي علي الاقل اخد التايب واوفر 20 الف دولار 
حاجه مهمه جدا الشركات مش بتدور انت اخدت رخصك منين اهم حاجه معاك طراز وساعات علي الظراز ده
ان شاء الله هيكون في بوستات تانيه اهمها بوست عن التيب ريتنج واللاين تريينج واشهر الشركات وازاي تقدر تستغل فلوسك
اعمل لايك وشير علشان يوصل لاكبر عدد من الناس المهتمه بالطيران 

نموذج الاتصال

تابعونا على صفحتنا على الفيس بوك واخبارنا على جوجل لكى تتمكنو من الحصول على اخر الاخبار التعليمية لحظه بلحظه من مدونة نتيجة الامتحانات الموقع الاول فى مصر المتخصص فى عرض نتائج الطلاب



وضع القراءة :
حجم الخط
+
16
-
تباعد السطور
+
2
-