شروط المنحه
اب وام مصريين
-خريج نفس السنه اللي هتقدم فيها 2019 يعني
-خريج مدرسه حكوميه ولو انت لغات فتبقى حكومي تجريبي مش خاص
-متكونش قدمت في جامعه خاصه ولا مليت application
-ملكش اخوات في جامعات خاصه بس الكلام ده مش كل الجامعات بتشتغل بيه وممكن وانت بتقدم متجبش سيره ان ليك اخ في جامعه خاصه والامور بتمشي
*الاوراق المطلوب تقديمها*
١-أصل شهادة الثانوية العامة أو بيان درجات معتمد.
٢-أصل شهادة الميلاد كمبيوتر.
٣-صورة بطاقة الرقم القومى للطالب/الطالبة وللأب والأم سارية.
٤-عدد (6) صور شخصية
٥-استمارة التجنيد للذكور مواليد 1998م وما قبلها (استمارة 2 جند + 6 جند)، مواليد 1999م وما بعدها (استمارة 2 جند).
٦-شهادة دخل الأسرة ككل (بحث اجتماعى).
٧-مفردات مرتب للأب والأم سواء من قطاع حكومي أو خاص يبين بها نوع الوظيفة.
٨-طباعة الرقم التأمينى للأب والأم حديثًا من هيئة التأمينات.
٩-صورة عقد المسكن سواء إيجار أو تمليك.
١٠-إيصال المرافق ( الكهرباء – الغاز – المياه ).
١١-شهادة بعدم وجود حيازة زراعية / وعدم ملكية عقارات مبنية أو مؤجرة.
١٢-شهادة ميلاد الأبناء واثبات قيدهم بمراحل التعليم المختلفة.
*اسماء الجامعات الخاصه اللي بتقدم منح*
-فاروس (الاسكندريه)
-6 اكتوبر (القاهره)
-Must(القاهره)
-MIU(طريق القاهره اسماعيليه الصحراوي)
-MTI(المعادي)
-درايه(المنيا الجديده)
-النهضه(بني سويف)
-حورس(دمياط الجديده،شارع صلاح سالم،كفر سعد)
-بدر (طريق القاهره السويس،مدينه بدر)
-الدلتا (الطريق الساحلي الدولي، الحفير والأمل، بلقاس، الدقهلية)
-الروسيه(طريق القاهره السويس ، مدينه بدر )
-سيناء (فرع موجود بالعريش وفرع بالقنطره بالاسماعيليه) بس دي بتقبل بابناء الاسماعيليه وسيناء فقط .
كل جامعه من دول فيها كليات معينه يعني مش كل الجامعات دي فيها هندسه ولا كل الجامعات دي فيها علاج طبيعي او طب فقبل اي حاجه لازم تتواصل مع الجامعه عن طريق موقعهم الالكتروني وتعرف الكليات اللي موجوده في كل جامعه ..!
اختبارات والتقديم للمنح بيبقى في شهر اغسطس وكل جامعه ليها اختباراتها الخاصه ليها في الوقت اللي بتختاره غالبا التقديم في كل جامعه بيبقى موجود لمده اسبوع فجهز ورقك من دلوقتي
شروط استكمال المنحه في الكليه انك تعدي كل سنه بتقدير جيد ع الاقل يعني
Gpa 2.6_
*ركز في الكلام اللي جاي ده عشان مهم جدا*
انا كطالب منحه علاج طبيعي كنت مقدم من ٣ سنين والحمدلله قبلت والاختبارت في كل الجامعات بتبقى كالآتي :
١-امتحان English بيختلف مدته وصعوبته من جامعه للتانيه
( مثلا جامعه مصر الدوليه MIU كانت عاوزه واحد خارق في الانجليزي)
فلازم تكون قوي في اللغه
٢-تاني حاجه امتحان شفوي English بتقعد معاك دكتوره وتسألك شويه اسئله كلها انجليزي وحضرتك لازم تجاوب بالEnglish
*زي ايه الاسئله دي*
1-what is your name , gender ,hobbies ?
2-what's your favourite movies ?
3-what will you do if you have a million pound?
السؤال ده بيشوف منه انت بتفكر ازاي يعني سطحي وعاوز عربيه والتفاهه دي ولا عميق وهتحاول تستثمر فيهم عشان يزيدوا
4-why did you apply for this university?
5-why do you want to join this faculty
السؤال ده مهم جدا وهو ليه انت مقدم في الكليه دي ؟
6-How do you see yourself after 10 years from now ?
شايف نفسك هتبقى ايه كمان عشر سنين
٣- تالت حاجه مجموعك مهم جدا وكلما كان عالي فرصتك اعلى
٤- رابع حاجه اختبار طبي بسيط روتيني محدش بيطلع منه ومش كل الجامعات بتختبره
كل الاختبارات دي بيتعمل بينهم معادله يعني لو واحد جايب ٩٤ وغيره جايب ٩٦ ومقدمين ع نفس المنحه ممكن اللي جايب ٩٤ هو اللي يتقبل عشان جاوب احسن في الشفوي او اختبار الانجليزي في الجامعه فعمرها ما كانت بالمجموع ..!
اخر حاجه محدش يزعل من مجموعه او يقول خلاص كده اسعى وربنا هيسعى معاك وربنا مبيضيعش مجهود حد ولكل مجتهد نصيب ..
تجربه شخصيه انا جبت 94.3% واتحطمت ومكنش قدامي غير علوم بس قدمت في المنح الدراسيه دي وقبلت الحمدلله ودلوقتي طالب علاج طبيعي فرقه رابعه ومنقول للفرقه الخامسه وهتخرج باذن الله
والمنحه مكمله معايا وكلها سنه خامسه وسنه الامتياز واتخرج فمحدش عارف ربنا حاططلك نصيبك فين فالناس اللي جايبه فوق ٩٠℅ تسعى وربنا مش هيخيب سعيها.
