فتح تقليل الاغتراب لطلاب المرحلتين الاولي والثانية من اليوم وحتي الاحد ١٢ سبتمبر و المرحلة الثالثة للتنسيق بعد اعلان نتيجة تقليل الاغتراب وذلك من خلال الرابط
خطوات تقليل الأغتراب والتحويل بالخطوات، الناس تركز كويس فى الكلام
لازم تاخد بالك من كذا نقطه قبل ما تسجل فيه:
1- موقع تقليل الاغتراب والتحويل واحد بس تقليل الاغتراب اسمه "تحويل مناظر" والتحويل أسمه "غير مناظر"
2- لازم تاخد بالك ان لما الموقع يفتح متاح ليك تعمل حاجه واحده بس إما تحويل أو تقليل اغتراب
3- شرط التحويل الغير مناظر "التحويل" :
1) ان تكون جايب مجموع الكلية اللى تحول لها انتظام او انتساب
2) ان تكون الكلية دى واقعة داخل نطاق " أ " فقط
مثال جالك تجارة كفرالشيخ وانت عايز تحول حقوق كفرالشيخ بما ان كفرالشيخ نطاق " أ " بالنسبالك وكمان جايب مجموع حقوق يبقى التحويل هيقبل
مثال تانى جالك تجارة كفرالشيخ وأنت عايز تحول حقوق عين شمس وانت نطاقك كفرالشيخ وبرغم انك جايب حقوق عين شمس كدا التحويل مش هيقبل لان عين شمس خارج توزيعك الجغرافى
