المستندات المطلوبة :عند التقديم بالتطوع القوات المسلحه 2020
كافة التفاصيل عن التقديم بالمعهد الفنى للتمريض (بنات - إناث) المؤهلات،والشروط،الدراسة،سحب الملفات
التقديم بالمعاهد الصحية للقوات المسلحه ( ذكور / إناث ) :الشروط والمواعيد
أماكن سحب ملفات مدارس التمريض العسكرية في مصر
المعهد الفنى العسكرى : كل ما تريد معرفته ، شروط القبول و نظام الدراسة واقسام المعهد
 |
| التسجيل والتقديم بمعهد ضباط الصف المعلمين |
التقديم والالتحاق بمعهد ضباط الصف المعلمين 2020نظام الدراسة والرتب
اخواتنا اللي هيقدمو الدفعه الجايه وللي هيقدموا بعد كده فكروا الف مره قبل متقدموا اسأل نفسك هتقدر تعيش في الحياه العسكريه !
صدقني الكلام حالا غير الفعل ساعتها اسأل نفسك هتقدر تبعد عن اهلك وزوجتك مستقبلا واولادك . هتقدر تستحمل شعور انك امك والدك او زوجتك او اولادك او حد من اخواتك تعبان وفي اشد الوجع والتعب وانت مش عارف تنزل اجازه تشوفو !؟ تكون امك بين الحياه والموت ومش عارف تشوفها مش عارف تشوف اصحابك واهلك .!.
كل الناس شايفين العسكريه احلي حاجه في الوقت ده وبيبصوا لمرتباتها والسلطه ؟ صدقني فلوس الدنيا كلها مش هتغنيك انك تروح بيتك كل يوم وتقعد مع والدك ووالدتك وزوجتك واولادك واهلك . اعذروا كل من هو في العسكريه. #فكر قبل متقدم هل هتقدر تستحمل ؟!
-----------------
يتم توزيع الطلبة على التخصصات المختلفة قبل دخولهم للمعهد طبقا لرغباتهم وميولهم العلمية، بالإضافة إلى قيام فرع "الانتقاء" بهيئة التنظيم والإدارة بالاختبارات المبنية على أسس علمية لتحديد كل فرد وتخصصه.
-----------------
يتم استقبال الطلبة من مناطق التجنيد المختلفة لمدة أسبوعين، وبعد النجاح في الاختبارات يتم تدريبهم على الأعمال الإدارية التي تخصهم وتسليم مهمتهم، ويتم التدريب الأساسي لمدة 14 أسبوعا، يتم خلاله تحويل الطالب من فرد مدني إلى فرد عسكري عن طريق برنامج عمل يومي.
---------------
شعار معهد ضباط الصف المعلمين.
ايمان - عزم - فداء
---------------
الرتب والترقيات بعد استلام العمل وانتهاء الدراسة
(( عريف _ رقيب _رقيب اول _مساعد _مساعد اول ))
وبعد كدة رتب (( ملازم شرف _ملازم اول شرف _نقيب شرف _ رائد شرف _مقدم شرف_عقيد شرف )))
وبيدرس في معهد ضباط الصف المعلمين ب التل الكبير ابو حماد
مدة الدراسه سنتين
دخول المعهد من الاعداديه والدبلومات فقط ومن سن 16 لحد 24 سنه فقط
يعني لو حضرتك دكتور وعاوز تطوع بتطوع بالاعداديه
لو حتطوع بالاعداديه بتتخرج "عريف"
ولو حتطوع بالدبلوم بتكون "رقيب"
الاسلحه ال بيتم دخولها طالب المتطوع ...الاعداديه : صاعقه.. مظلات ..قوات جويه ... قوات بحريه.. دفاع جوي .. حرس الحدود .. حرب اكترونيه ... حرب كميائه ... اسلحه وذخيرة ... سكرتاريه ... مخابرات حربيه واستطلاع ... ((جميع اسلحه الجيش بيكون ))
اما طالب المتطوع بالدبلوم الفني ... فني قوات جوايه .. تدريب مهني (( بيكون ضابط صف فني في الجيش ))
مدة اختبارات المعهد 8 شهور
 |
| التسجيل والتقديم بمعهد ضباط الصف المعلمين |
الكلام هيبقا واضح بس محتاج تركيز شويه
اول حاجة انتا هتسحب الملف ( كراسة التطوع + استامرة 9 جند خضرة
1 _ 9 جند والفيش 1 جند ( اسمه فيش رباعى ) ده بيتعمل من مكتب التجنيد اللى ف مركز او قسم الشرطة الى انتا تابع ليه
2 _ فيش جنائى من القسم
3 _ القيد من سجل المدنى باسم ولى امرك
4_ 8 صور
5 _ شهادة ميلاد جديدة بتاريخ السنة دى
6 _ صورة بطاقتك لو معا ك صورة بطاقة الاب والام
7 _ 8 صور شخصية
8 _ صورة طبق الاصل من المؤهل وهيا انك تصور صورة المؤهل اللى فيه صورتك وتختمه ختم النسر
تابعونا من هنا للمذيد من التفاصيل
_______________________
شرح كتابة ملف التطوع الدفعة 159
____________________
الغلااف : 1) رقم القيد ميتكتبش فيه حاجة
2) اسم طالب كامل
3) المؤهل الدراسى الى هتقدم بيه (اعدادى_دبلوم صنايع ) فقط لاغير
4) التخصص ( الدبلوم يكتب تخصصه زى ميكانيكا. كهرباء .الخ ) الاعدادى ميكتبش حاجة
5 ) المجموع بالدرجات _ النسبة المئوية احسب نسبتك او مش لازم عادى
______________
الصفحة 1)
هتكتب اسمك والشهادة اللى انتاا مقدم بيها تخصصك لو مقدم بدبلوم العام
اللى انتا حاصل فيه على الشهادة مجموعك بالدرجات ونسبة المئوية
فى الاسفل ) على اليمين هتوقع وهو كتابة اسمك ثلاثى _ اسمك كامل _ محل الاقامة _ رقم البطاقة لو مش معاك بطاقة هتاخد رقم القومى من شهادة الميلاد
على شمال ) توقيع الوالد _ متضامنا هتكتب اسمك _ اسمك والدك كامل _ رقم بطاقة والدك _ مهنة والدك _ محل اقامة الوالد
_____________
الصفحة 2
بطاقة رغبات التطوع : اقسم بالله لو اخطرت ايه بذات ما هتدخل اى حاجة من اللى انتا مختراها اساسا ومش بيشوفوها اصلا المهم هتكتب الرغبة اللى انتا عايزه هتختار 3 رغبات مثلا قدام البحرية هتكتب 1 قدام الجوية هتكتب 2 قدام الدفاع الجوى3 وهكذا ..
فى الاسفل على شمال هتكتب التوقيع وزى ما تفقنا اى توقيع هيقبلك هتكتب اسمك ثلااثى عدا توقيع الوالد
______________
الصفحة 3
هتدبس صورتين ف مكانهم تدبيس وليس لصق
هتكتب اسم المتوع _ المؤهل الدراسى ( اعدادى _ دبلوم ) _ الموقف من التجنيد _ الغرض من التطوع هتكتب الالتحاق بالقوات المسلحة _ جهة الالتحاق ( بلد _ مركز _ المحافظة )
تانى مربع هتكتب برضو اسم المتطوع والمؤهل الخ فقط لا غير متجيش جمب اى حاجة تانية ويستحسن تسبها فاضية واملها هناك قدامه احسن فى كشف طبى
فى ضهر الورقة مكتوب تفصيلاات الكشف طبى محدش يجى ولا يكتب اى حاجة
_____________
الصفحة 4
كارت الحاسب الالى
رقم القيد سيبه فاضى _ جمبه هتكتب اسمك ف المربعات اسمك رباعى _ تاريخ الميلاد مثال ( 12 / 9 / 98 ) كود الديانة مسلم 1 _ مسيحى 2 _ رقم البطاقة _ مسلسل البطاقة العسكرية فاضى _ مركز _ محافظة _ كود المؤهل اعدادى 1 _ دبلوم صنايع 5 _ الرغبات
على اليسار ( اسمك وتدبس صورة ) فى الاسفل اسمك _ تاريخ ميلادك _ محافظة _ مؤهل _ تخصص
فى ضهر الصفحة هتلاقى شرح للصفحة دى
_____________
0صفحة 5
اقرار بموقف الطالب
1 _ اسمك _ عنوانك تفصيلا _ المؤهل _ المجموع _ نسبة _ عام الحصول _ الموقف من تجيند موقفك اعمل قدامه علامة صح
فى الاسفل اننى اعزب هتكتب تاريخ اليوم _ اقرب الاقارب هو اكتب خالك عمك اى حد وعنوانه
فى الاسفل على شمال هتكتب توقيع اسمك ثلاثى تحته اسمك
____________
صفحة 6
اقر انا اسم والدك _ ولى امر اكتب اسمك _ التطوع بالقوات المسلحة _ مواليد تاريخ ميلااد _ الحاصل على اكتب مؤهل _ العام الحاصل على شهادة فيه
فى الاسفل على اليسار
اسم والدك _ رقم بطاقته _ سجل مدنى _ وظيفته _ درجة القرابة والد _ التاريخ بتاع انهاردا عادى
___________
صفحة 7
اقرار امنى خاصة مرشح التطوع
1 _ اسمك 2_ تاريخ الميلاد 3_ محل ميلاد المحافظة يعنى 4_ ديانة _ 5 المؤهل بتاعك الى مقدم بيه _ 6 _ محل الاقافة تفصيلا _ المركز _ المجافظة 7_ رقم الموبيل
ثانيا : المربع هتكتب الاقارب المسافرين للخارج
ثالثا : الاقارب الى مسجونين او عليهم احكام لو عندك متكتبش واسمع منى
1 _ هل استدعيت للشرطة اكتب لا
2 _ هلى تنتمى لا ى حزب اكتب لا
3 _ هل سبك لك للسفر اكتب لا
اقر انا اكتب اسمك
التوقيع اسمك
______________
صفحة 8
اقرار الزواج ده مبيتعملش عند مؤذون
اقر انا اكتب اسمك
فى الاسفل على اليمين توقيعك _ اسمك كامل _ رقم قومى بتاعك _ محل اقامتك اكتب المحافظة _ محل اقامتك التانبة اكتب محل اقامتك تفصيلى
على شمال : توقيع الوالد _ متضامنا اكتب اسمك _ اسمه _ رقم القومى _ وظيفته _ محل الاقامة
_____________
صفحة 9
1) شهادة جنسية المصرية
نشهد نحن الموقعين ان المواطن اكتب اسمك
اى اتنين موظفين ف جهة حكومية او من مدرستك او من اى حتى حكومية واحد يوقع على اليمين واحد ع شمال
2 ) شهادة الحسن سير وسلوك نفس ال اتنين موظفين الى مضى ع يمين يمضى ع يمين والى ع شمال ع شمال
وتختمه ختم شغل وختم النسر مثلا ختمته من المدرسة يبقى ختم المدرسة و ختم النسر
__________
صفحة 10
نمووذج البينات مرشح التطوع
اسمك رباعى _ مؤهلك _ تاريخ ميلادك _ محل اقامتك _ محافظتك _ محل مبلاد _ محافظتك برضو
اول مربع الصغير بيانات الوالد والوالدة اول خانة هتلاقى مكتوب الوالد هتكتب اسمه رباعى _ تاريخ الميلاد _ المؤهل _ الوظيفة _ العنوان
تحت الوالدة نفس النظام برضو
المربع اللى تحت ( الاشقاء والشقيقات الاخوة والاخوات يعنى )
هتكتب اسم الاخ او الاخ _ تاريخ الملاد ومحل الميلاد مثال 12 / 9 / 98 اسكندرية _ المؤهل _ الوظيفة لو بيدرس هتعمل شرطة _ محل الاقامة )
______________
صفحة 11 و 12 و 13
وثيقة تعارف
اسمك رباعى _ مؤهلك _ تاريخ ميلادك _ محل اقامتك _ محافظتك _ محل مبلاد _ محافظتك برضو _ رقم الموبيل
اول مربع الصغير بيانات الوالد والوالدة اول خانة هتلاقى مكتوب الوالد هتكتب اسمه رباعى _ تاريخ الميلاد _ المؤهل _ الوظيفة _ العنوان
تحت الوالدة نفس النظام برضو
المربع اللى تحت ( الاشقاء والشقيقات الاخوة والاخوات يعنى )
هتكتب اسم الاخ او الاخ _ تاريخ الملاد ومحل الميلاد مثال 12 / 9 / 98 اسكندرية _ المؤهل _ الوظيفة لو بيدرس هتعمل شرطة _ محل الاقامة )
ضهر الورقة _وثيقة تعارف
بيانات ازواج الشقيقات هتكتب بيانات اجوزا اخواتك البنات فقط لو متجوزين لو مش متجوزين سبها فاضيه
بيانات الاعمام والعمات هتكتب بيانات عمامك وعماتك
بيانات الخال والخالاات هتكتب بيانات خلانك وخلاتك ___________
صفحة 14
طلب حضور شاب التطوع
لا يكتب فيها اى حاجة من جهة الطالب تترك فارغة
___________
صفحة 15
كارت اختبار اللياقة البدنية
لا يكتب فيها اى حاجة من جهة الطالب تترك فارغة __________
صفحة 16 والاخيرة
1_ اسم والدك _ 2 رقم البطاقة _ جهة الاستخراج اكتب المحافظة _ محل سكن عنوان البيت _ قسم او مركز _ مؤهل والدك _ وظيفة والدك _ جهة العمل لو شغال مدرس هتكتب جهة العمل وزارة التربية والتعليم _ مثلا امين شرطة يبقى وزارة الداخلية وهكذا _ اعمال حرة اكتب اعمال حرة
اسم والدتك _ وظيفتها لو بتشتغل مش بتشتغل اكتب ربة منزل او لا تعمل _ عدد الاخوة من غيرك مثلا 4 هتكتب عدد ذكور عدد البنات _ عدد للاخوة غير اشقاء الى هما من ام تانية _ اجمالى دخل الوالدين اكتب اى حاجة _ اسم ولى امر الطالب اكتب اسم ابوك _ الوظيفة اكتب وظفته _ جهة العمل زى ما قولنا فوق
في ناس بتسأل وبتقول ينفع أقدم حربيه بعد معهد ضباط الصف
#ايوه ينفع.ازاي؟
-انت بتقدم معهد ضباط صف بالدبلوم او الاعداديه ومدة الدراسة في المعهد معروفه أنها سنه ونص
#ومعروف زي المعهد ماليه شروط
#الكليه الحربيه ليها شروط
*ركز
انت قدمت معهد ضباط صف ومعاك شهادة ثانويه عامه او ازهريه
طبعا انت بتقدم في المعهد بالاعداديه، بعد ما تتخرج من معهد ضباط الصف قدم كليه بس مش اي كليه تقدم فيها لو عايز تقدم حربيه
-مثلا تقدم في كلية:تجاره، حقوق، تربيه، علوم، تربيه رياضيه،....... والخ في كليات كتير مطلوبه معظمهم يعني
وكمان هندسه، وطب،;مطلوبين وسبتين كمان علي حسب تنسيق كل سنه
بعد ماتتخرج من المعهد وتقدم كليه هتزاكر وانت في الجيش وبتنزل اجازه من الجيش علشان تحضر الامتحانات في الكليه
بعد ما تخلص الكام سنه اللي عليك في الكليه وتكون جايب تقدير كويس علي الأقل جيد
#هتقدم في حاجه اسمها متخصصين في الكليه الحربيه
-الشروط بقي
1-لازم سنك مايعديش 27سنه عند الالتحاق
2-لازم تجتاز الاختبارات والكشوفات
لازم تعدي الاختبارات و الكشوفات واحد يجي هيقولي في اختبارات وكشوفات برضو هقولك ايوه فيه ولازم تعديهم
بعد كدا لو قبلت أن شاء الله هيبقي معاك 6 شهور بس في الكليه الحربيه وبتتخرج.
-الناس اللي قدمت في معهد ضباط الصف وهي صغيره في السن اول ماتخلص الاعداديه بتقدم في معهد ضباط الصف وبعد ماتتخرج من المعهد زاكر وانت في الجيش الثانويه العامه او الازهريه او دبلوم صنايع انت ورغبتك بقي; وهات مجموع كويس في تالته ثانوي وقدم كليه حربيه #ملكش دعوه بالمتخصصين، وممكن تقدم حربيه قبل معهد ضباط الصف
-الشروط
1-سنك مايعديش 21 سنه عند الالتحاق بالكليه
2-لازم تجتاز الأختبارات برضو
3-متكنش متزوج
وشروط كتير خاصه للحربيه هنعرفهلكم بس هنتاخر شويه.
-بالنسبه اللي عايز يقدم معهد فني للقوات المسلحه
المعهد الفني بياخد دبلوم صنايع بس قسم كهرباءو ميكانيكا
انت قدمت معهد ضباط صف بالدبلوم بعد ما تتخرج من المعهد قدم معهد فني عادي وممكن تقدم معهد فني قبل معهد ضباط الصف
-الشروط
#هي هي شروط الكليه الحربيه
مش المتخصصين لا مختلفه في حجات معينه.
👮اللي عايز يستفسر عن حاجه الإطار مفتوح
واحني مش محتاجين غير دعاوتكم لينا لو كنا نستاهل يعني
وربنا يوفقنا جميعا يارب.
 |
| التسجيل والتقديم بمعهد ضباط الصف المعلمين |
ضباط الصف المعلمين
تنسيق معهد ضباط الصف المعلمين،تنسيق معهد ضباط الصف المعلمين 2019،معهد ضباط الصف المعلمين شروط الالتحاق 2019،موعد تقديم معهد ضباط الصف المعلمين 2019،تنسيق معهد ضباط الصف المعلمين 2019،شروط الالتحاق بمعهد ضباط الصف المعلمين 2019،معهد ضباط الصف المعلمين شروط الالتحاق 2019،موعد تقديم معهد ضباط الصف المعلمين 2019
تابعونا من هنا للمذيد من التفاصيل
امكانيات المعهد
تضمنت أعمال التطوير إقامة العديد من المنشآت التعليمية والإدارية والرياضية والترفيهية ، شملت الأجنحة التعليمية والقاعات الدراسية المجهزة بأحدث التطبيقات التكنولوجية ونظم المعلومات والمقلدات والوسائل التعليمية ، وإنشاء معملاً متكاملاً للغات والحواسب الآلية ، ومكتبة علمية وثقافية تضم كافة فروع العلم والمعرفة.
كما تم إنشاء مجمعاً لميادين التدريب التخصصية، وتطوير صالات الإعداد البدنى وإنشاء 2 نادى رياضى متكامل يضم ستاد رياضى وحمام سباحة أوليمبى مجهز بكافة التجهيزات ، إضافة إلى 10 ملاعب للكرة الخماسية وكرة السلة والكرة الطائرة والتنس ملحق بهما 2حمام سباحة تدريبى و2مبنى ترفيهى وإجتماعى للطلبة.
وامتدت أعمال التطوير لتشمل التأمين الإدارى والطبى داخل المعهد من خلال إنشاء مستشفى متكامل للطلبة وتطوير المبيتات وأماكن الآيواء والمسجد ، بالإضافة إلى الميسات وقاعات الطعام وتزويدها بكافة التجهيزات الإدارية لتقديم أرقى مستويات الرعاية للطلبة طوال مدة دراستهم بالمعهد.
تابعونا من هنا للمذيد من التفاصيل
التطوع في الجيش او ما يعرف بمعهد ضباط الصف المعلمين
ايه هو وكل ما تريدة عن الموضوع دا تابع معانا
==========================
التطوع في الجيش يعني انك تقدم نفسك لخدمة القوات المسلحة حسب المحدد ليك وبالرتب الي انت وصلتلها
--------------------------- طيب ايه هي رتب المتطوع
الرتب بالترتيب
1- من الاعدادية (عريف-رقيب - رقيب اول - مساعد - مساعد اول)
2- من الدبلوم الفني (رقيب - رقيب اول - مساعد - مساعد اول)
فيه كمان ترقيات شرفية وهي (ملازم - ملازم اول - نقيب - رائد - مقدم - عقيد )
---------------------------
طيب الدراسة فين وكام سنه
الدراسة في ابو حمادة بالتل الكبير مدة الدراسة سنتين
---------------------------طيب بقدم من شهادات زي ايه
عندك تقدم بالاعداداية والدبلوم الفني فقط يعني مفيش كليات ولا ثانوية عامة لو قدمت منهم هتقدم بشهادة الاعدادية
---------------------------
طيب السن المسموح بيه كام سنه
السن المسموح بيه من 15 الي 25 سنه
---------------------------
طيب ايه التخصصات الي بدخلها بعد التخرج
التخصصات بتختلف حسب اداءك وهي
الي مقدم من الاعدادية بيكون في التخصصات الاتية
(صاعقه.. مظلات ..قوات جويه ... قوات بحريه.. دفاع جوي .. حرس الحدود .. حرب اكترونيه ... حرب كميائه ... اسلحه وذخيرة ... سكرتاريه ... مخابرات حربيه واستطلاع ...الخ بمعني جميع تخصصات الجيش)
والي بيقدم بالدبلوم بيكون
فني قوات جوية او بحرية او تدريب مهني بمعني اصح كلة شغلة بيكون في الشغل الفني
---------------------------
طيب امتي التقديم ومدة الاختبارات
بالنسبة للتقديم دا شي غير مؤكد حاليا لكن بنوعدكم هنتاكد ونبلغكم فقط تابعونا
---------------------------
طيب ايه هي شروط التقديم
حسب موقع وزارة الدفاع
أن يكون مصرى الجنسية ومن أبوين يتمتعان بهذه الجنسية عن غير طريق التجنس .
أن يكون حسن السير والسلوك .
أن يكون لائقاً طبياً للخدمه العسكرية طبقاً للمستويات الطبية المقررة .
ألا يكون متزوجاً أو سبق له الزواج ولا يسمح له بالزواج إلا بعد إنتهاء مدة تدريبه بنجاح وصرف الراتب العالى إليه .
أن يجتاز إختبار اللياقة البدنية طبقاً للمستويات المقررة .
أن يجتاز الأختبارات الثقافية والنفسية والمهنية حسب المستويات المقررة .
أن يجتاز إختبار كشف الهيئة الذى يجرى بواسطة الجهات المختصة بالقوات المسلحة .
لا يسمح بقبول متطوعين بمدارس القوات المسلحة عموماً سبق أن رفتوا من إحداها لأى سبب من الأسباب .
يشترط موافقة ولى الأمر فى حالة عدم بلوغ سن (18سنة) للمتطوع أو المتطوعه .
ألا يقل سن المتطوع عن (15) سنة ولا يزيد عن (25) سنة عند الإلتحاق .
موافقة إدارة المخابرات الحربية والأستطلاع (جهاز الأمن الحربى) على تطوعه بالقوات المسلحة .
---------------------------
طيب الاوراق المطلوبة للتقديم اية
حسب موقع وزارة الدفاع
طلب التطوع (نموذج 9 جند) ويعتمد من مندوب التجنيد التابع له .
صورة طبق الأصل من المؤهل الدراسى أو بيان نجاح معتمد ومختوم عند تقديم الملف والشهادة الدراسية أو الإستمارة البيضاء الدالة على النجاح عند القبول بالقوات المسلحة .
شهادة ميلاد مميكنة موضحاً بها جنسية الوالد والوالدة .
صحيفة الحالة الجنائية حديثة الإصدار لم يمضى على إستخراجها أكثر من (3) أشهر.
فيش البصمات (نموذج 1 جند) معتمد ومختوم من مندوب التجنيد التابع له .
شهادة جنسية مصرية معتمدة ومختومه .
شهادة حسن سير وسلوك معتمدة ومختومه .
إقرار من الشاب متضامناً مع ولى أمره بأنه لم يسبق له الزواج ولن يتزوج إلا بعد إنتهاء فترة التدريب المقررة بنجاح وصرف الراتب العالى إليه .
يان قيد عائلى مميكن للوالد لم يمضى على إستخراجه أكثر من (3) أشهر .
عدد (8) صور فوتوغرافية 4×6 الوان .
دوسية التطوع الموجود بإدارة التجنيد ومناطقها بعد إستيفائه وإستكمال البيانات .
---------------------------
طيب التطوع دا لية نهاية يعني ممكن اخلص المدة واتفصل
ايوة طبعا ليه نهاية ومدة التطوع 5 سنوات تجدد باستمرار بموافقه المتطوع وبوصاية من قائدة
دا غير انه لازم يكون لائق طبيا للتجديد لمدة اخري وكمان ميكنش عمل اي شغب او عصيان للاوامر في السنين الي فاتت
بالنسبة للاختبارات وباقي المعلومات قريبا تابعونا من هنا للمذيد من التفاصيل