أخر الاخبار

مدارس المتفوقين STEM (للبنات والأولاد) 2022 ..شروط التقديم- الأوراق المطلوبة - المميزات والعيوب - للحاصلين علي الإعدادية 2022

مدارس المتفوقين STEM (للبنات والأولاد)

مشروع مدارس العلوم والتكنولوجيا والهندسة والرياضيات ينفذ في 11 محافظة على مستوى الجمهورية، حيث تم تنفيذ 18 مدرسة في إطار التعاون المصري الأمريكي المشترك استفاد منها أكثر من 5000 طالب في إطار المرحلة الأولى من الاتفاقية.

شروط التقديم في مدارس المتفوقين STEM


شروط التقديم في مدارس المتفوقين STEM
  • – ألا يزيد عمر الطالب المتقدم عن 18 عامًا في 1 أكتوبر
  • – أن يكون حاصًلا على شهادة إتمام الدراسة بمرحلة التعليم الأساسي لعام
  • – بالنسبة لدرجات مجموع دخول مدارس المتفوقين في العلوم والتكنولوجيا في المحافظات :- ألا يقل مجموع درجات الطالب عن (274,5) درجة بنسبة تعادل (98 %) من المجموع الكلي، ويشترط حصول الطالب في هذه الحالة على الدرجات النهائية في مادة واحدة على الأقل من مواد: (اللغة الإنجليزية – الرياضيات – العلــوم).
  • – بينما الحد الادني لمجموع دخول مدارس المتفوقين هو ألا يقل مجموع درجات الطالب عن (266) درجة بنسبة تعادل (95 %) من المجموع الكلي ويشترط حصول الطالب في هذه الحالة على الدرجات النهائية في مادتين على الأقل من مواد: (اللغة الإنجليزية – الرياضيات – العلــوم).
  • -أن يكون حاصل علي شهاده براعه اختراع وليس مقدم لاستخراج الشهاده وذلك في حالة عدم حصوله على المجموع المقرر في الفقرتين السابقتين


أبرز المعلومات الخاصة بهذا النوع من المدارس:

  1. · بدأت كمنحة أمريكية لرعاية الطلاب المتفوقين.
  2. · مدارس ثانوية حكومية مدة الدراسة بها 3 سنوات.
  3. · تهتم برعاية المتفوقين في العلوم والرياضيات.
  4. · لا يوجد بها شعبة أدبية.
  5. · الدراسة لا تعتمد على الكتاب المدرسي الموحد.
  6. · مناهج جديدة قائمة على المشروعات التي يخصص لها نسبة كبيرة من المجموع.
  7. · الدراسة لا تعتمد على الحفظ، ولكن البحث والتفكير والابتكار.
  8. · المعلم دوره الإرشاد وليس التلقين.
  9. · هدفها إخراج طالب لديه القدرة على التصميم والإبداع والتفكير النقدي.
  10. · مدارس داخلية.
  11. · مجهزة بمعامل على أعلى مستوى.
  12. · نموذج لدمج التكنولوجيا بالعملية التعليمية.
  13. · يشترط للالتحاق بها حصول الطالب بالشهادة الإعدادية على نسبة 98% والدرجة النهائية في مادة من ثلاثة مواد "العلوم، الرياضيات، اللغة الانجليزية"، أو 95% والدرجة النهائية في مادتين من المواد الثلاثة.
  14. · تقبل المدارس الطالب الحاصل على شهادة إتمام الدراسة في مرحلة التعليم الأساسي "الإعدادية"، والحاصل على براءة اختراع معتمدة من أكاديمية البحث العلمي، ولو لم يكن مستوفي لشروط المجموع الكلي والدرجات النهائية في مادة أو مادتين.
  15. · مصروفاتها لطلاب المدارس الحكومية 1000 جنيه سنويًا، ولطلاب المدارس الخاصة والدولية 31 ألف جنيه، ولطلاب المدارس الخاصة الذين تقل مصروفاتهم عن 30 ألف جنيه، مبلغ مساوي لما يسددونه للمدارس المقيدين بها.
  16. · يتسلم الطالب عند دخوله المدرسة جهاز "لاب توب"، ويسدد مبلغ تأميني نظيره.
  17. · تمنح في النهاية الشهادةالثانوية المصرية في العلوم والتكنولوجيا.
  18. · يتاح لخريجيها الحصول على منح بالخارج أو بالجامعات الدولية في مصر.
  19. · للخريجين شريحة خاصة بتنسيق القبول بالجامعات الحكومية تعتمد على النسبة المرنة.__
___________
المعادي - اكتوبر - الإسكندرية - الدقهلية - كفر الشيخ - أسيوط - الإسماعيلية - الأقصر - البحر الأحمر - الغربية - المنوفية - الشرقية - العبور - قنا - بني سويف - المنيا - سوهاج - الفيوم - السادات.
وبيفتحوا كل سنه مدارس ف محافظات تانية.
نظام التعليم
___________
المدارس دي هدفها انها تلغي نظام الحفظ والتلقين، فهي معتمدة اعتماد كلي علي الفهم والبحث والتطبيق. يعني بتخلق باحث مش مجرد طالب.
ودا معناه أن مفيش لا مناهج ولا كتب، كل طالب بيستلم لابتوب اول سنة وبيسلمه للمدرسة تاني في اخر سنه، والمناهج عبارة عن موضوعات رئيسية الطلبة بتتوسع فيها من خلال البحث وجمع المعلومات من الانترنت والمراجع....الخ. + أن الدراسة ف STEM باللغة الإنجليزية.

الكليات المتاحة

______________
لو دخلت علمي علوم متاح قدامك كليات الطب بكل أنواعه (طب - علاج طبيعي - صيدليه - علوم )
ولو دخلت علمي رياضة متاح ليك ( هندسة بمجالاتها - حاسبات ومعلومات )
شروط التقديم
______________
اي طالب يقدر يدخل STEM لو جايب ٩٨٪ ومقفل مادة واحدة من ( انجليزي - رياضيات - علوم )
أو لو جايب ٩٥٪ ومقفل مادتين من ( انجليزي - رياضيات - علوم )
امتحان القبول
_____________
بيكون عبارة عن أسئلة MCQ في أربع مواد ( Math - Sciences - English - IQ )

مميزات المدرسة

_______________
• النظام هناك هيغيرلك طريقة تفكيرك ومذاكرتك.
• بعدك عن اهلك هيعلمك تتعلم المسئولية.
• في فرصة أن يجيلك منح من برا مصر.
عيوب المدرسة
______________
• أن المدرسة داخلية.
• لو بتحب المواد الأدبية فالمدرسة دي مش ليك، بلاش تدخلها لأنها مفيهاش أدبي أصلاً.
• النسبة المرنه ودي عبارة عن عدد المقاعد المتوفرة لطلاب STEM في كل كلية واللي بتتحسب كالتالي: (عدد طلاب ستيم ÷ عدد طلاب ثانوي عام) × عدد المقاعد المتوفرة في الكلية
بس عامةً محدش بيدخل أقل من علوم.
• لو حاطط عينك علي كلية معينة ممكن ينتهي بيك الحال في كلية تانية خالص حتي لو جايب مجموع عالي ودا بسبب النسبة المرنة.
س: مش فاهمة يعني ايه النسبة المرنة....وهل بيكون للطالب ميزة عن الثانوي العام في تنسيق الكليات خاصة ان للامتحانات اصعب
ج :للاسف العكس تماما الأفضلية ف معظم الجامعات بتكون للثانوي العام ونسبة مقاعد محدودة لمدارس STEM لكل كلية، لكن الاكيد ان طالب ستيم مش هيدخل أقل من علوم
• في شرط انك لو دخلت STEM وبعدين قررت متكملش، ساعتها هتضطر تدفع للمدرسة كل المصاريف اللي اتصرفت عليك.
دي كل المعلومات اللي المفروض تكون عارفها قبل ما تقرر تقدم في مدارس المتفوقين STEM .
بالنسبة للمصاريف الاول كانت منحة دراسية، دلوقتي بقت بـ3 آلاف جنيه أول السنة شاملة تأمين اللاب اللي بتستلموه اول سنه، ولما بتتخرج من المدرسة بترجعه وتاخد نص مبلغ التأمين.
• بالنسبة لمصاريف طلاب المدارس الخاصة بيتم دفع نفس المبلغ المسدد بالصف الثالث الإعدادي ف مدرسته + تأمين اللاب.
تعليقات
ليست هناك تعليقات
إرسال تعليق





    وضع القراءة :
    حجم الخط
    +
    16
    -
    تباعد السطور
    +
    2
    -