ن شاء الله يبدأ التقديم للصف الاول الابتدائي ورياض الأطفال الكترونيا من الغد الموافق 1 يونيو ولمدة شهر حتى 30/6

التقديم يتم عن طريق ولي الأمر الطريقة سهلة ومعروفة والموضوع ده مش جديد بس لازم ننبه على كذا حاجة عشان نحاول نتجنب المشاكل اللي بتحصل كل سنة

اولا ولي الأمر لو اول مره يقدم ومقدمش لحد من أولاده اليكترونيا قبل كده لازم ينشيء حساب لنفسه انشاء الحساب من اللينك ده

http://parentreg.emis.gov.eg/newUser.aspx

وعلى فكره لينك انشاء الحساب شغال حاليا

ثانيا لازم الحساب يكون باسمه ويكتب بياناته الشخصية بكل دقة اسمه ورقمه القومي وتاريخ ميلاده ورقم الموبايل الخاص بيه والنقطة دي مهمة جدا لان عن طريق الرقم بنقدر نرجع كلمة سر الحساب لو نسيناها

في اخر الصفحة بيطلب من ولي الامر كلمة سر وكلمة السر دي ولي الأمر بيختارها بنفسه وتكون كلمة سهلة مميزة بالنسباله عشان مينسهاش بشرط متقلش عن ٨ حروف وأرقام ويكون فيها حرف كابيتال على الاقل

ثالثا والاهم لو ولي الأمر هيروح لسايبر لازم صاحب السايبر يكتب بيانات ورقم موبايل ولي الأمر مش بياناته هو ورجاء من أصحاب المكتبات والسيبرات كتابة كلمة السر في ورقه واعطائها لولي الأمر مع التنبيه عليه الاحتفاظ بيها .

ويعد ما بيتم انشاء الحساب هنقدر من بكره إن شاء الله ندخل على هذا اللينك

للتقديم .

لينك التقديم للصف الاول الابتدائي

https://prim.emis.gov.eg/

لينك التقديم للصف الاول رياض اطفال

https://kg.emis.gov.eg/