تجربة الحاجه وفاء عبدالصمد الجنيدي فى اداء فريضة الحج تقبل الله منا ومنكم: وضعنا هذا المقال لكى يكون مرجع للافاده لكل من يريد التعرف على تجارب الحجاج من بداية معرفة النتيجة وحتى الرجوع الى ارض الوطن..
تم تقسيم المقال الى عدد من الفقرات نقلا عن صفحة
منشور رقم ( ١ )
كنت بحب اطلع عمره لان ليس معي رسوم الحج اللي بتزيد عام بعد عام وكان كل أهلي وحبايبي يقولولي بدل العمره حوشي للحج الحج فريضه فأقول لهم منين مستحيل ححوش مبلغ الحج حجيب منين لكن العمره بتصبرني .. نفسي جدا جدا أحج قبل أن اكبر في السن ومقدرش علي المناسك لكن منين
وكنت في العمره وغير العمره ادعو الله من قلبي أن يرزقني الحج ويرزقني رزقه ..
والله هذا كان دعائي دائما يااارب ارزقني الحج وأرزقني رزقه .. في يوم من الايام عرفت إن فيه جمعيات كبيره لمده ٥٠ شهر دخلت فيها وخليت دوري بعيد لعل وعسي ربنا يرزقني الحج في اي عام أهي حاجه منشاله بعيد عن إيدي ..
وبالرغم من عدم استطاعتي ماديا وأنا متأكدة من كده .. برضه كنت بقدم للحج كل سنه لمده ٤ سنوات ولم يحصل نصيب وكان عادي وبحمد ربنا واتمني برضه أن ربنا يرزقني بالحج ويرزقني رزقه في اي عام . وكنت اقول ليا شرف المحاوله ..
في العام الخامس قدمت بس المره دي كان عندي انشراح في الصدر وفرحه والسبب أن القلم اللي كنت بكتب بيه البيانات شخبط علي الملف غصب عني وفوجئت أنها مش شخبطه ولكن علامه صح ✓ فاستبشرت وتفاءلت ودعوت الله بشده ان يكتبها لي هذا العام ..
وكنت اول سنه أهتم وابحث عن مكان إعلان النتيجه واول مره اذهب بنفسي لحضورها.
وعند اعلان النتيجه شاهدت اسمي علي الشاشه من قبل أن يعلن في الميكرفون من ضمن ضيوف الرحمن حجاج عام ٢٠١٨ يعني العام الماضي مع قرعة الحج وزارة الداخليه .
مش عارفه اوصفلكم حالتي يكفي أن أقول لكم بعدها بشهر ذهبت لطبيب القلب وقلت له لقد رزقني الله بالحج هذا العام وانا من يومها مش قادره أتحمل الفرحه حاسه قلبي سيقف فيه رزع في قلبي شديد . الطبيب ضحك وقالي ربنا يتمملك الحج علي خير اكتبلك علي مهدأ ... مشيت من عنده قلت لنفسي مهدأ إيه حد يبقي عنده فرحة الفوز بالحج ويحتاج مهدأ ...
المهم بدءت افكر بقي في رسوم الحج وادفعها إزاي ومنين ..
في العام الماضي كان حظنا إن فيه انتخابات رئاسيه وكان كل شئ متأجل حتي تنتهي فكانت فرصه لتجهيز الرسوم ..
حاولت مع أصحاب الجمعيه يقربولي الميعاد وعلي أخر لحظه قبل انتهاء المهلة كنت دفعت الرسوم وعملت كل الاوراق اللي عاوزينها وقدمتها ..
لما جيت اعمل الباسبور كلفني بالصور حوالي ٢٠٠ جنيه هما اللي كانوا معايا ساعتها ونزلت علي سلم الجوازات فرحانه ومش هاممني ال ٢٠٠ اللي كانوا معايا .. واقول لبيك اللهم لبيك
لبيك لا شريك لك لبيك .
ومع اول كام متر كده من الجوازات وجدت علي الأرض مبلغ ٢٠٠ جنيه جديده ومطبقه وكأن الله رد لي ال ٢٠٠ بتوع الباسبور اللي مكنش معايا غيرهم
سألت كتير ولفيت حوالين نفسي ادور علي حد ضايع منه فلوس لدرجة الأمن اللي كانوا واقفين هناك سألتهم قالولي مشوفناش اي حد بيدور علي فلوس هما رزق ربنا بعتهولك أعطيتهم تليفوني اذا حد سال وبعد كام يوم مريت عليهم تاني قالولي يا حاجه قولنالك دا رزق ربنا بعتهولك
سجدت لله شكر أن رزقني الحج ورزقني رزقه من غير حول مني ولا قوه
ودعوت الله أن يتم علينا الحج علي خير وأن ييسر لنا ويبارك لنا ويرزقنا الصحبه الصالحه ويتقبل مننا ..
وقد استجاب الله وحجينا عام ٢٠١٨ حج القرعه لوزارة الداخليه رائع بإذن الله تعالى
الف الف مبروووك للفائزين هذا العام
وربنا يكتبها لكل من لم يكن له نصيب هذا العام بس إسعي وانوي برضه وقدم تاني وهي فرصه لتجهيز انفسكم من هنا لحد العام القادم ماديا ومعنويا
منشور رقم ( ٢ )
لما اقترب شهر ذي القعده ١٣٣٩ طلبوا منا نعمل البصمه وكان فيه نظام جدا لان كل واحد القسم بيبلغه باليوم والساعه اللي يروح فيها تفاديا للزحام ..
وانا بعمل البصمه كنت براعي متزاحمش مستعلجش وقت الانتظار عليا بالاستغفار والدعاء واذكر الله. ابعد عن أي مشاحنه تماما يا جماعه أنا رايحه الحج حقف علي عرفات يعني يوم الرحمه يوم المغفره يوم العتق من النار يوم الرجوع منه بدون ذنوب كما ولدتنا أمهاتنا غير أنه مره واحده في العمر. أو يا عالم يتكرر أمتي ...
المهم خلصنا البصمه وقالولنا خدوا سلموا القسم ما يفيد انكم عملتم البصمه واستلموا الشنطه ..
سلمونا فعلا الشنطه فيها ملابس الاحرام شنطه للرجال وشنطه للنساء فيها طرحه وعبايه وبنطلون وقميص داخلي كله باللون الابيض ..
أما موعد السفر مع الداخليه فنصيحه محدش يقلق ولايسأل لأنهم بيعلنوا المواعيد قبلها بيومين فقط. ..
يعني بنجهز الشنط وكل احتياجاتنا وبنقدم علي ( اجازه الحج ) من الشغل وننتظر لما يحددوا لنا اليوم والساعه ..
وجاء موعد السفر الله اكبر ما شاء الله في ٢٠١٨/٨/١ حتي ٢٠١٨/٩/١ يعني شهر كامل ٢٧ يوم مكه و ٣ المدينه المنوره ..
يوم السفر اغتسلنا بنية الحج والعمره ولبسنا ملابس الاحرام وقبل النزول من البيت صلينا ركعتين لله وبدءنا التهليل والتكبير ( لبيك اللهم لبيك لبيك لا شريك لك لبيك إن الحمد والنعمة لك والملك. لا شريك لك لبيك ) حتي وصلنا المطار ..
وكانت الإجراءات في منتهي اليسر لاننا سافرنا من الصاله الموسميه الخاصه بالحجاج ..
صلينا في مسجد المطار ركعتين بنيه الحج والعمره متمتعين ..
( اللهم إني نويت الحج والعمره متمتعه اللهم يسره لنا وباركلنا فيه وتقبله منا اللهم حج لا رياء فيه ولا سمعه
فإن حبسني حابس فمحلي حيث حبستني ) ..
فوجئنا في المطار إن فيه شيخ تقريبا تبع بعثة الحج يشرح في الميكرفون مناسك الحج والناس بتستفسر منه ودا كان أول شئ رائع للحج مع وزارة الداخليه ..
وعلي بركة الله ركبنا الطائره وعلي بركة الله وصلنا مكه أولا وعلي بركة الله عملنا العمره أول يوم وصلنا فيه ..
وعند التسكين في الفندق محدش يتوقع يكون مع حد يعرفه الا إذا صادفت حتي لو اخوات أو أقارب ومقدمين في نفس الوقت فأنت وحظك مع مين سوف تقيم لمدة شهر في غرفه واحده ..
نصيحتي بقي الدعاء من الآن. ( أن يرزقكم الله الصحبه الصالحه اللي ترتاحوا معاهم وتعينكم علي حسن العباده )
فيه حاجه اسمها ( سداده الاذن وحاجه تغمي العين علشان النور ) يفضل تشتروهم قبل السفر علشان اذا حد بيتكلم وانتم عاوزين تناموا السداده تنفع ..
منشور رقم ( ٣ )
لما وصلنا بالسلامه مكه المكرمه وتم التسكين في فندق المنسي ٨ بعد كوبري المسفله ( كل حاج حسب الفندق اللي بينزل فيه الله اعلم ) طلعنا الغرف وأنا أدعو الله بشده ان يرزقني الصحبه الصالحه دخلنا الغرفه والحمدلله رب العالمين ربنا رزقني بصحبه رائعه بنام كلنا وقت النوم وبالنسبه للتكيف فيهم اللي بيحب التكيف وفيهم اللي مش عاوزه التكيف حلينا المشكله بأن عامل في الفندق جاء ورفع لنا الريشه للسقف والهواء يضرب في السقف وارتاح الجميع للحل ده ..
بترجي الحجاج اللي حيسكنوا مع بعض تراعوا بعض ونتجاوز عن أي شئ ممكن يسبب خلاف . يعني اذا حد نايم بلاش الخروشه في الاكياس .. بلاش الكلام بصوت عالي .. بلاش الانوار العاليه .. راعوا بعض ربنا يبارك لكم ويبارك فيكم ..
اللي يفرح بقي وجدنا تحت سرير كل حاج كرتونه مياه معدنيه خاصه بيه لوحده وشويه وخبطوا علينا انزلوا علشان بيوزعوا كرتونه معلبات لكل حاج لوحده عباره عن تونه وسردين وجبنه وفول وبسكوت وعسل وشاي وسكر ونسكافيه وكوبايات وعصاير وغيره . لحجاج قرعة الداخليه.
استرحنا قليلا من السفر ونزلنا لأداء العمره في أول يوم وصلنا فيه ..
وصلنا الحرم الله اكبر ما شاء الله . اول ما ندخل المسجد بنقول ( بسم الله الرحمن الرحيم أعوذ بالله العظيم من الشيطان الرچيم اللهم أفتح لي أبواب رحمتك ) ولكم دعوه مجابه بإذن الله عند رؤية الكعبه لاول مره ..
نزلنا صحن الكعبه ومشينا لحد ما وصلنا للحجر الاسود لأن بداية الطواف بيكون من عند الحجر الاسود بنخلي الحجر الاسود علي شمالنا ونبدء الطواف نرفع ايدينا نشير الي الحجر الاسود ونقول بسم الله الله كبر وهكذا عند كل شوط وطبعا نطوف سبعة أشواط ( وعلشان ما مننساش طوفنا كام شوط ونتلخبط كنت باخد سبحه عباره عن سبع حبات فقط. واذا مافيش ممكن نعمل احنا سبحه سبع حبات حتي لو بالخرز ).
وفي الطواف ادعوا باللي ربنا يفتح بيه عليكم ( ولا تنسوني في دعائكم الله يبارك فيكم )
واجمل دعاء شامل كامل ذكره الله في القرآن الكريم ( ربنا آتنا في الدنيا حسنه وفي الآخرة حسنه وقنا عذاب النار )
بعد الطواف حول الكعبه بنصلي ركعتين ثم نشرب ماء زمزم شرب كافي يملئ البطن . وهناك دعاء عند شرب ماء زمزم ( اللهم أرزقنا علما نافعا ورزقا واسعا وقلبا خاشعا ولسانا ذاكرا وعينا تدمع من خشية الله وشفاءا من كل داء ). فماء زمزم لما شرب له ...
وصلنا الي الصفا والمروه وبدءنا السعي من جبل الصفا . السعي سبعة أشواط رايح شوط وراجع شوط وتنتهي الأشواط السبعه بجبل المروه .
عندما نصل جبل الصفا أو المروه ندعو ونقول ( إن الصفا والمروه من شعائر الله فمن حج البيت أو اعتمر فلا جناح عليه أن يطوف بهما ومن تطوع خيرا فإن الله شاكر عليم ) ( لا إله الإ الله وحده نصر عبده وأعز جنده وهزم الأحزاب وحده ) . وأثناء السعي طبعا أدعو باللي ربنا يفتح بيه عليكم لأنفسكم واهلكم ومن اوصاكم وأنا اوصيكم لا تنسوني بالدعاء ..
بعد آخر شوط وهو جبل المروه يكون الحلق للرجال وقص طرف الشعر للنساء وهكذا انتهت العمره وتقبل الله منا ومنكم واتم علينا وعليكم مناسك الحج ...
بعد العمره رجعنا الفندق والمشوار كان بعيد .
وبدءت الشكوي أول يومين من طول المشوار للحرم فمشكورين فالداخليه وفروا اتوبيسات تجيب وتودي للحرم والفندق مجانا طول فتره الحج ما عدا العشر ايام الأولي من ذي الحجه تتوقف الاتوبيسات جميعا من شده الزحام لتواجد جميع الحجاج في مكه استعدادا للذهاب الي عرفات .
في الفندق فوجئنا أن الدور التاني فيه عياده طبيه للرجال وعياده طبيه للنساء تبع وزارة الداخليه الكشف مجاني والعلاج مجاني ما شاء الله شغاليين يوميا ٢٤ ساعه لمده شهر..
ايضا فوجئنا في الفندق أن فيه دور كامل مخصوص للصلاه والدروس والوعظ وشرح مناسك الحج عن طريق مشايخ ووعاظ من الازهر الشريف يوميا بعد كل صلاه لمده شهر ..
كان في الفندق ايضا في كل دور ديب فريزر كبير جدا لحفظ الطعام للي جايبين اكل معاهم ... وايضا كولدير مياه سخن للشاي وساقع للشرب في كل دور
في الفندق ايضا دور خاص للغسيل اليدوي فيه غسالات كتير بس أنا بفضل اغسل علي يدي وانشر في الحمام فهناك مجفف في الحمام وعلي فكره كنت واخده معايا شماعات أعلق عليها غسيلي وكمان اشتريت قبل السفر طبق بلاستيك من النوع الرخيص لأداء الغرض ثم تركته هناك عند العوده ..
وبعد أسبوع كده بدءنا نفكر ندفع صك الاضحيه ( الهدي) كان تقريبا ٤٥٠ ريال والسداد كان في بنوك الراجحي او مكاتب البريد السعوديه ..
وصلنا لأول شهر ذي الحجه شهر الحج الله اكبر .
طولت عليكم بس كان لازم اشرح يمكن حد يستفيد ..
استأذنكم نكمل وقت اخر أهم جزء في مشوار الحج وهو عرفات الركن الأعظم..
منشور رقم ( ٤ )
أكمل معاكم ضيوف الرحمن رحلة الحج اللي بدءت احكيها لكم من فتره .. ربنا ييسر لكم ويبارك فيكم ويتقبل منكم ..
عاوزه أأقول إن من أول يوم ١ من شهر ذو الحجه واحنا في مكه يتجمع جميع الحجاج في مكه استعدادا للذهاب الي عرفات بيكون الزحام شديد جدا بس دي حاجه تفرح. حاجه تشرح القلب. حاجه تخلينا نقول ..
{{ اللهم زد هذا البيت تكريما وتشريفا وتعظيما ومهابه .. وزد كل من زاره حاجا أو معتمرا من تشريفه وتعظيمه وتكريمه ومهابته }}...
الاجتهاد في العباده بيكون أشد والدعاء والرهبه والشوق للوقوف علي عرفات أشد .
وفي يوم ٨ ذو الحجه ليلة وقفة عرفات نبهوا علينا في الفندق ننزل بالترتيب والنظام اللي اعلنوه كل واحد امام اسمه موعد التحرك بالباص الي عرفات وكنت أنا وحبايبي مرافقين رحلة العمر رحلة الحج معايا من ضمن أول فوج رايح عرفات لأننا كنا الدور الاول في الفندق ..
ركبنا الاتوبيس ومتجهين الي مخيمات عرفات للمبيت هناك ( قبل الوقفه بيوم حتي يطمئنوا أن جميع الحجاج خلاص علي عرفات وضمانا لعدم التأخير من شده الزحام وطلبوا من اي حاج عاوز يروح الترويه أنه مياخدش معاه حريم أو كبار فالسن ) ..
وصلنا المخيمات صباحا ووجدنا علي كل مرتبه للحجاج علبه بها كوبايات وشاي وسكر وبسكوت ومروحية يد جميله .. واخدنا كوبونات الغداء الساخن ..
صحيح كان في صرف الوجبات زحاام جدا بس والله كنت فرحانه أنا علي عرفات ايه يعني زحمه احنا في الحج يعني طبيعي الزحام ...
بدءت المخيمات تزدحم وبدء عرفات يمتلئ بالحجيج الله اكبر . يااارب فرح الناس كلها وارزقهم الحج وارزقهم رزقه .. وقبل غروب ليلة عرفات السماء اغرقتنا في خيرها من شده الأمطار أتغسلنا .. ووقفنا ندعو ندعو ندعو ونبكي من الفرحه نبكي مش مصدقين أننا علي عرفات .. واكيد أكيد بنحمد ربنا كل الحمد والشكر مين سواه يستحق الحمد ..
ونمنا قليلا وصحينا قبل الفجر بساعتين كده وذهبنا إلي مسجد نمره ننتظر لصلاة الفجر وانفتح مسجد نمره ودخلنا بسم الله ما شاء الله ايه الوسع ده وايه الابواب دي كلها .. صلينا الفجر وانتظرنا للشروق ورجعنا الخيمه فطرنا وقبل صلاة الظهر ذهبنا مره تانيه لمسجد نمره لصلاة الظهر والعصر جمع تقديم ونسمع خطبة عرفات .. عقبال كل مشاق يااارب .. منظر الحجاج رائع .. وطول الطريق خيرات ربنا الناس مش عارفين يوزعوا ايه ولا ايه عصاير واطعمه ساخنه ومياه معدنيه وفاكهه .. الجميع يتسابق في السعوديه لإطعام الطعام للحجيج وسقيهم وهدايا كمان لهم ربنا يبارك لهم ...
بعد الانتهاء من سماع الخطبه والصلاه في مسجد نمره ذهبنا للمخيمات وعلي العصر طلبوا منا نركب الاتوبيسات علشان يطمنوا علي الجميع أن ما فيش حد تاه .. ركبت الاتوبيس من التعب ناس نامت وناس طلعت تاكل وناس بتتكلم وناس بتذكر الله وبتدعو في خشوع .. قولت لنفسي لأ احنا علي عرفات يوم الرحمه يوم المغفره يوم العتق من النار واستجابة الدعاء .. مستحيل اقعد كده مش حركز في الدعاء ونزلت من الاتوبيس وقفت بعيد عنه شويه بس عيني عليه .. وفضلت ادعوا وادعوا وأرجو الله أن يتقبل دعائي حتي آذان المغرب .. ثم تحركت الاتوبيسات من عرفات مقبولين بإذن الله إلي المزدلفه لجمع الحصي لرمي الجمرات ..
طولت عليكم حستأذنكم واكمل باقي مناسك الحج بعد وقفة عرفات في وقت اخر
منشور رقم ( ٥ )
بعد الانتهاء من الوقوف علي عرفات .. ياارب اكتب لنا العوده ياارب .. ويااارب ترزق كل اللي يتمني الوقوف علي عرفات الحج وترزقه رزقه وتقبل منه آميين ..
المهم بعد مغرب يوم عرفات تحركنا بالاتوبيسات الي المزدلفه لجمع الحصي لرمي الجمرات وصلاة المغرب والعشاء جمع تأخير والمبيت فيها والدعاء المستجاب بإذن الله ..
وصلنا المزدلفه ونزلنا من الاتوبيسات والسائق نبه علينا نحفظ رقم الاتوبيس ولا نبتعد عنه والتحرك بعد منتصف الليل علي الساعه الواحده صباحا وكده يبقي المبيت بمزدلفه .. المهم لازم يكون معاكم ملايه أو حصيره خفيفه تباع في مكه ب ١٠ ريال وانا للاسف معرفتش أهميتها الا في مزدلفه لان الجلوس والنوم حيكون علي الأرض في منطقه جبليه ... المهم اتوضينا وصلينا المغرب والعشاء جمع تأخير وفرشنا ملايه جلسنا عليها وجمعنا الحصي ( ٧٠ حصاه ) عباره عن { ٧ لجمرة العقبه الكبري ..وأول ايام التشريق ( ٢١ ) للثلاث أحواض العقبه الكبري ٧ والوسطي ٧ والصغري ٧ } وهكذا لمدة ثلاث ايام أو يومين لمن تعجل فلا أثم عليه ..
المهم جمعنا الحصي واكلنا وارتحنا شويه .. يااارب تنولوها جميعا وتفرحوا فرحة الوقوف علي عرفات ومزدلفه ومني ياارب ..
علي الساعه ١٢,٣٠ صباحا نادي السائق يالله يا حجاج حنتحرك لمني ولأننا لم نبتعد عن الاتوبيس سمعنا السائق وركبنا علي طول ..
لكن للأسف ولعله خير جميع الحجاج والاتوبيسات وصلت مخيمات مني وناموا وارتاحوا واحنا اتوبيسنا تااه في الصحراء السائق فقد الجي بي اس اللي بيعرفه الطريق وظل يلف بينا صحراء المزدلفه ... وانا أنعم الله عليا بالنوم ولم أشعر بشئ الإ أصحي علي صوت زعيق وخناق وبهدله من الحجاج للسائق وأنام تاني ...
المهم صحيت علي الساعه السادسه صباحا كدا والنهار كان بيطلع ببص حواليه لاقيت جبال في جبال .. ولأننا ضيوف الرحمن ربنا كريم ووصلنا الحمدلله مخيمات مني .. طبعا المراتب اتخدت وكل الحجاج وصلوا في ميعادهم طبيعي وناموا وارتاحوا ...
كل تأخيره وفيها خيره وعسي أن تكرهوا شئيا ويجعل الله فيه خيرا كثيرا .. فقد وقع في يدي كتاب عن مناسك الحج .. قرأت فيه
( أن أهل مني يدخلون مني ضحي . كما يدخل أهل الجنه الجنه ضحي ) ارتحت وفرحت ومزعلتش من التوهان ربنا أراد أن نبات في مزدلفه وندخل مني ضحي .. الحمدلله رب العالمين ..
وضعنا الشنط علي المراتب مع حاجه عملت توكيل لرمي الجمرات وارتحنا شويه .. حبيبي يا الله الله اكبر .. وبدءنا نتحرك مشيا علي الاقدام لرمي جمرة العقبه الكبري ( اول يوم عيد الاضحي عقبالكم ياارب) مشينا وسط الحجاج جميعا والكل عائد من عرفات مغفور له بإذن الله تعالي . ووصلنا لرمي الجمرات الحق يقال السعوديه عامله مجهود جبار للتيسير علي الحجاج ومقمسه الطرق ولوح ارشاديه في كل مكان غير العساكر والضباط بأنفسهم في وسط الحجيج بملابسهم الرسميه منهم من يدل الحجاج علي اي استفسار ومنهم من يرش عليكم رزاز الماء ويحمل الماء علي ظهره في عز الحر حتي يخفف علي الحجاج حرارة الشمس غير المراوح اصلا اللي في كل مكان برزاز الماء تطري الجو ...
وطول ما احنا ماشيين بنبص يمين وشمال ايه الروعه دي ايه الجمال ده .. طول ما أنا ماشيه أسبح الله سبحان الله واكبر الله ما شاء الله منظر الحجاج في جميع الإتجاهات . القلب ينخلع من بهجته وفرحته . الحجاج من كل بقاع الأرض بكل لغات العالم وبكل ألوان وأجناس العالم ماشين وفرحانين بإسلامهم وفرحانين بالفوز العظيم الفوز الحقيقي والسعاده الحقيقيه وهي حج بيت الله والوقوف علي عرفات .. وفي هذه اللحظات أتذكر قول الله تعالي ..
بسم الله الرحمن الرحيم
{{ إذا جاء نصر الله والفتح . ورأيت الناس يدخلون في دين الله أفواجا . فسبح بحمد ربك وأستغفره . إنه كان توابا }}
صدق الله العظيم .. سورة النصر .
وصلنا الحمدلله ورمينا جمرة العقبه الكبري ولحد هنا حققنا ثلاثه من أركان الحج وهي الوقوف بعرفات ورمي جمرة العقبه الكبري والهدي ( الأضحيه سبق ودفعنا صك الاضحيه في بدايه وصولنا مكه ) .. كده يبقي فاضل من أركان الحج الطواف والسعي والحلق ثم رمي جمرات ايام التشريق الثلاثه ..
. منشور رقم ( ٦ )
نكمل بمشيئة الله تعالي لعلي بإذن الله أنفع حاج لأول مره يطلع او أذكر حجاج سابقين بأغلي واجمل ايام حياتهم ..
بعد ما خلصنا رمي جمرة العقبه الكبري أتفقنا أنا وحبايبي الحجاج اللي معايا إننا نطلع علي مكه نعمل طواف الإفاضه والسعي وطبعا مشينا الي ما شاء الله من المشي وكنت عامله حسابي في المسكنات طبعا وجئنا في منتصف الطريق ولم نتحمل المشي اكتر وركبنا أتوبيس طبعا وصلنا حاجه بسيطه في وقت طويل من الزحام وكل شويه يقف يعني لو كملناها مشي كنا وصلنا... المهم وصلنا مكه وعملنا طواف الإفاضه ثم السعي بين الصفا والمروة ... وبصراحه لم استطع السعي تعبت جدا ورجلي مش شايلاني والم شديد . فستأجرت كرسي بعجل وسعيت بيه .. وعند نهاية السعي عند جبل المروه يتم حلق الشعر للرجال وتقصير طرف الشعر للنساء ... وهكذا خلصنا مناسك الحج الله اكبر بسم الله ماشاء الله ... باقي رمي الجمرات في أيام التشريق في مني .. بعد ما انتهينا من الطواف والسعي ذهبنا الفندق ارتحنا واتغدينا وقبل المغرب كنا في مني للمبيت أيام التشريق ...
أيام التشريق دي أيام رائعه هي للأكل والشرب وذكر الله في المخيمات ثم الذهاب لرمي الجمرات ..
حجاج كتييير أجلوا الطواف والسعي لما يرجعوا مكه بدل ما يروحوا ويرجعوا زينا وده عادي .. بس احنا حسينا براحه نفسيه كبيره اننا خلصنا أركان الحج كلها وباقي رمي الجمرات فقط .. فقضينا الثلاث ايام في مني ..
وبدءت تهدي والزحام يخف علشان اللي اتعجلوا في يومين مشيوا فالدنيا راقت في الخيام .. وكنا نذهب لرمي الجمرات بعد زوال الشمس علي العصر كده بيكون الزحام خف فيه حجاج كتير بيروحوا من بدري اوي ويرجعوا ..
عند رمي الجمرات ذي ما شرحت قبل كده ثلاث أحواض ( الكبري والوسطي والصغري )
والدعاء عند الوسطي مجاب تقبل الله منكم ..
بنرمي في كل حوض ٧ حصيات .. ثم نرجع الخيام ونحن في سعاده مرهقين جدا ولكن سعداء ..
خلصوا الثلاث ايام واخدنا الاتوبيسات الي الفنادق في مكه والحمدلله رب العالمين .. فارحين بما من الله علينا من استطاعه لأداء مناسك الحج ..
حجا مبرور وذنبا مغفور وسعيا مشكور وعودا محمود ياارب لكل الحجاج ..
اللهم بارك لنا وبارك علينا وأجعلنا عندك من المقبولين وتجاوز ياارب العالمين عن سئياتنا وتقصيرنا وارحمنا برحمتك يا أرحم الراحمين. اللهم آمين
أتمننا في مكه ٢٧ يوم ثم ذهبنا مدينة رسول الله صل الله عليه وسلم ٣ أيام فقط وتمتعنا بالروضه الشريفه والصلاة في مسجد رسول الله وحبيبه وصفيه وخليله اللهم صل وسلم وبارك عليك يا حبيبي يا رسول الله . جزاك الله عنا وعن الاسلام خير الجزاء فقد بلغت الرساله. وأديت الأمانة ونصحت الأمه وازحت الغمه وأنرت قلوبنا و بصرنا بنور الإسلام ...
أختم معاكم كلامي بالدعاء لكم ..
يااارب يااواحد يا أحد يا فرد يا صمد يا حي يا قيوم أن تيسر لكل الحجاج هذا العام مناسك الحج وبارك لهم ومتعهم وتقبل منهم يااارب آميين .
وأسألك يا الله بعزتك وجلالك وبإسمك الأعظم الذي إذا دعيت به أجبت أن تكتب وترزق الحج لكل مشتاق وترزقه رزقه وتقبل منه عاجلا غير آجلا يا رب العرش العظيم اللهم آمين ..
وأوجه كل الشكر والتقدير لشيخنا الفاضل الشيخ عادل محمد أبو الهيثم فقد كان يساعدنا بالفتوي في كل صغيره وكبيره ونحن في الحج وهو في مصر . جزاه الله عنا خير الجزاء وبارك فيه وبارك له وثبته الله علي دينه وخلقه ..
واشكر حبايب قلبي الحجاج Mohamed El Dsoky و Aya El Shobary
فقد كانوا خير الصحبه وخير رفيق لخير طريق . .. ولولاهم بعد الله كنت مش عارفه حعمل إيه ..
ربنا كتبلي الحج ورزقني بأحب الأحباب مرافقين معي بارك الله لهم وبارك عليهم وجمعنا دائما مع بعض في كل خير ..
أستودعكم الله الذي لا تضيع ودائعه فالله خيرا حافظا وهو أرحم الراحمين ..
والسلام عليكم ورحمة الله وبركاته
تم تقسيم المقال الى عدد من الفقرات نقلا عن صفحة
مجموعة قرعة الحج - وزارة الداخليه
منشور رقم ( ١ )
كنت بحب اطلع عمره لان ليس معي رسوم الحج اللي بتزيد عام بعد عام وكان كل أهلي وحبايبي يقولولي بدل العمره حوشي للحج الحج فريضه فأقول لهم منين مستحيل ححوش مبلغ الحج حجيب منين لكن العمره بتصبرني .. نفسي جدا جدا أحج قبل أن اكبر في السن ومقدرش علي المناسك لكن منين
وكنت في العمره وغير العمره ادعو الله من قلبي أن يرزقني الحج ويرزقني رزقه ..
والله هذا كان دعائي دائما يااارب ارزقني الحج وأرزقني رزقه .. في يوم من الايام عرفت إن فيه جمعيات كبيره لمده ٥٠ شهر دخلت فيها وخليت دوري بعيد لعل وعسي ربنا يرزقني الحج في اي عام أهي حاجه منشاله بعيد عن إيدي ..
وبالرغم من عدم استطاعتي ماديا وأنا متأكدة من كده .. برضه كنت بقدم للحج كل سنه لمده ٤ سنوات ولم يحصل نصيب وكان عادي وبحمد ربنا واتمني برضه أن ربنا يرزقني بالحج ويرزقني رزقه في اي عام . وكنت اقول ليا شرف المحاوله ..
في العام الخامس قدمت بس المره دي كان عندي انشراح في الصدر وفرحه والسبب أن القلم اللي كنت بكتب بيه البيانات شخبط علي الملف غصب عني وفوجئت أنها مش شخبطه ولكن علامه صح ✓ فاستبشرت وتفاءلت ودعوت الله بشده ان يكتبها لي هذا العام ..
وكنت اول سنه أهتم وابحث عن مكان إعلان النتيجه واول مره اذهب بنفسي لحضورها.
وعند اعلان النتيجه شاهدت اسمي علي الشاشه من قبل أن يعلن في الميكرفون من ضمن ضيوف الرحمن حجاج عام ٢٠١٨ يعني العام الماضي مع قرعة الحج وزارة الداخليه .
مش عارفه اوصفلكم حالتي يكفي أن أقول لكم بعدها بشهر ذهبت لطبيب القلب وقلت له لقد رزقني الله بالحج هذا العام وانا من يومها مش قادره أتحمل الفرحه حاسه قلبي سيقف فيه رزع في قلبي شديد . الطبيب ضحك وقالي ربنا يتمملك الحج علي خير اكتبلك علي مهدأ ... مشيت من عنده قلت لنفسي مهدأ إيه حد يبقي عنده فرحة الفوز بالحج ويحتاج مهدأ ...
المهم بدءت افكر بقي في رسوم الحج وادفعها إزاي ومنين ..
في العام الماضي كان حظنا إن فيه انتخابات رئاسيه وكان كل شئ متأجل حتي تنتهي فكانت فرصه لتجهيز الرسوم ..
حاولت مع أصحاب الجمعيه يقربولي الميعاد وعلي أخر لحظه قبل انتهاء المهلة كنت دفعت الرسوم وعملت كل الاوراق اللي عاوزينها وقدمتها ..
لما جيت اعمل الباسبور كلفني بالصور حوالي ٢٠٠ جنيه هما اللي كانوا معايا ساعتها ونزلت علي سلم الجوازات فرحانه ومش هاممني ال ٢٠٠ اللي كانوا معايا .. واقول لبيك اللهم لبيك
لبيك لا شريك لك لبيك .
ومع اول كام متر كده من الجوازات وجدت علي الأرض مبلغ ٢٠٠ جنيه جديده ومطبقه وكأن الله رد لي ال ٢٠٠ بتوع الباسبور اللي مكنش معايا غيرهم
سألت كتير ولفيت حوالين نفسي ادور علي حد ضايع منه فلوس لدرجة الأمن اللي كانوا واقفين هناك سألتهم قالولي مشوفناش اي حد بيدور علي فلوس هما رزق ربنا بعتهولك أعطيتهم تليفوني اذا حد سال وبعد كام يوم مريت عليهم تاني قالولي يا حاجه قولنالك دا رزق ربنا بعتهولك
سجدت لله شكر أن رزقني الحج ورزقني رزقه من غير حول مني ولا قوه
ودعوت الله أن يتم علينا الحج علي خير وأن ييسر لنا ويبارك لنا ويرزقنا الصحبه الصالحه ويتقبل مننا ..
وقد استجاب الله وحجينا عام ٢٠١٨ حج القرعه لوزارة الداخليه رائع بإذن الله تعالى
الف الف مبروووك للفائزين هذا العام
وربنا يكتبها لكل من لم يكن له نصيب هذا العام بس إسعي وانوي برضه وقدم تاني وهي فرصه لتجهيز انفسكم من هنا لحد العام القادم ماديا ومعنويا
منشور رقم ( ٢ )
لما اقترب شهر ذي القعده ١٣٣٩ طلبوا منا نعمل البصمه وكان فيه نظام جدا لان كل واحد القسم بيبلغه باليوم والساعه اللي يروح فيها تفاديا للزحام ..
وانا بعمل البصمه كنت براعي متزاحمش مستعلجش وقت الانتظار عليا بالاستغفار والدعاء واذكر الله. ابعد عن أي مشاحنه تماما يا جماعه أنا رايحه الحج حقف علي عرفات يعني يوم الرحمه يوم المغفره يوم العتق من النار يوم الرجوع منه بدون ذنوب كما ولدتنا أمهاتنا غير أنه مره واحده في العمر. أو يا عالم يتكرر أمتي ...
المهم خلصنا البصمه وقالولنا خدوا سلموا القسم ما يفيد انكم عملتم البصمه واستلموا الشنطه ..
سلمونا فعلا الشنطه فيها ملابس الاحرام شنطه للرجال وشنطه للنساء فيها طرحه وعبايه وبنطلون وقميص داخلي كله باللون الابيض ..
أما موعد السفر مع الداخليه فنصيحه محدش يقلق ولايسأل لأنهم بيعلنوا المواعيد قبلها بيومين فقط. ..
يعني بنجهز الشنط وكل احتياجاتنا وبنقدم علي ( اجازه الحج ) من الشغل وننتظر لما يحددوا لنا اليوم والساعه ..
وجاء موعد السفر الله اكبر ما شاء الله في ٢٠١٨/٨/١ حتي ٢٠١٨/٩/١ يعني شهر كامل ٢٧ يوم مكه و ٣ المدينه المنوره ..
يوم السفر اغتسلنا بنية الحج والعمره ولبسنا ملابس الاحرام وقبل النزول من البيت صلينا ركعتين لله وبدءنا التهليل والتكبير ( لبيك اللهم لبيك لبيك لا شريك لك لبيك إن الحمد والنعمة لك والملك. لا شريك لك لبيك ) حتي وصلنا المطار ..
وكانت الإجراءات في منتهي اليسر لاننا سافرنا من الصاله الموسميه الخاصه بالحجاج ..
صلينا في مسجد المطار ركعتين بنيه الحج والعمره متمتعين ..
( اللهم إني نويت الحج والعمره متمتعه اللهم يسره لنا وباركلنا فيه وتقبله منا اللهم حج لا رياء فيه ولا سمعه
فإن حبسني حابس فمحلي حيث حبستني ) ..
فوجئنا في المطار إن فيه شيخ تقريبا تبع بعثة الحج يشرح في الميكرفون مناسك الحج والناس بتستفسر منه ودا كان أول شئ رائع للحج مع وزارة الداخليه ..
وعلي بركة الله ركبنا الطائره وعلي بركة الله وصلنا مكه أولا وعلي بركة الله عملنا العمره أول يوم وصلنا فيه ..
وعند التسكين في الفندق محدش يتوقع يكون مع حد يعرفه الا إذا صادفت حتي لو اخوات أو أقارب ومقدمين في نفس الوقت فأنت وحظك مع مين سوف تقيم لمدة شهر في غرفه واحده ..
نصيحتي بقي الدعاء من الآن. ( أن يرزقكم الله الصحبه الصالحه اللي ترتاحوا معاهم وتعينكم علي حسن العباده )
فيه حاجه اسمها ( سداده الاذن وحاجه تغمي العين علشان النور ) يفضل تشتروهم قبل السفر علشان اذا حد بيتكلم وانتم عاوزين تناموا السداده تنفع ..
منشور رقم ( ٣ )
لما وصلنا بالسلامه مكه المكرمه وتم التسكين في فندق المنسي ٨ بعد كوبري المسفله ( كل حاج حسب الفندق اللي بينزل فيه الله اعلم ) طلعنا الغرف وأنا أدعو الله بشده ان يرزقني الصحبه الصالحه دخلنا الغرفه والحمدلله رب العالمين ربنا رزقني بصحبه رائعه بنام كلنا وقت النوم وبالنسبه للتكيف فيهم اللي بيحب التكيف وفيهم اللي مش عاوزه التكيف حلينا المشكله بأن عامل في الفندق جاء ورفع لنا الريشه للسقف والهواء يضرب في السقف وارتاح الجميع للحل ده ..
بترجي الحجاج اللي حيسكنوا مع بعض تراعوا بعض ونتجاوز عن أي شئ ممكن يسبب خلاف . يعني اذا حد نايم بلاش الخروشه في الاكياس .. بلاش الكلام بصوت عالي .. بلاش الانوار العاليه .. راعوا بعض ربنا يبارك لكم ويبارك فيكم ..
اللي يفرح بقي وجدنا تحت سرير كل حاج كرتونه مياه معدنيه خاصه بيه لوحده وشويه وخبطوا علينا انزلوا علشان بيوزعوا كرتونه معلبات لكل حاج لوحده عباره عن تونه وسردين وجبنه وفول وبسكوت وعسل وشاي وسكر ونسكافيه وكوبايات وعصاير وغيره . لحجاج قرعة الداخليه.
استرحنا قليلا من السفر ونزلنا لأداء العمره في أول يوم وصلنا فيه ..
وصلنا الحرم الله اكبر ما شاء الله . اول ما ندخل المسجد بنقول ( بسم الله الرحمن الرحيم أعوذ بالله العظيم من الشيطان الرچيم اللهم أفتح لي أبواب رحمتك ) ولكم دعوه مجابه بإذن الله عند رؤية الكعبه لاول مره ..
نزلنا صحن الكعبه ومشينا لحد ما وصلنا للحجر الاسود لأن بداية الطواف بيكون من عند الحجر الاسود بنخلي الحجر الاسود علي شمالنا ونبدء الطواف نرفع ايدينا نشير الي الحجر الاسود ونقول بسم الله الله كبر وهكذا عند كل شوط وطبعا نطوف سبعة أشواط ( وعلشان ما مننساش طوفنا كام شوط ونتلخبط كنت باخد سبحه عباره عن سبع حبات فقط. واذا مافيش ممكن نعمل احنا سبحه سبع حبات حتي لو بالخرز ).
وفي الطواف ادعوا باللي ربنا يفتح بيه عليكم ( ولا تنسوني في دعائكم الله يبارك فيكم )
واجمل دعاء شامل كامل ذكره الله في القرآن الكريم ( ربنا آتنا في الدنيا حسنه وفي الآخرة حسنه وقنا عذاب النار )
بعد الطواف حول الكعبه بنصلي ركعتين ثم نشرب ماء زمزم شرب كافي يملئ البطن . وهناك دعاء عند شرب ماء زمزم ( اللهم أرزقنا علما نافعا ورزقا واسعا وقلبا خاشعا ولسانا ذاكرا وعينا تدمع من خشية الله وشفاءا من كل داء ). فماء زمزم لما شرب له ...
وصلنا الي الصفا والمروه وبدءنا السعي من جبل الصفا . السعي سبعة أشواط رايح شوط وراجع شوط وتنتهي الأشواط السبعه بجبل المروه .
عندما نصل جبل الصفا أو المروه ندعو ونقول ( إن الصفا والمروه من شعائر الله فمن حج البيت أو اعتمر فلا جناح عليه أن يطوف بهما ومن تطوع خيرا فإن الله شاكر عليم ) ( لا إله الإ الله وحده نصر عبده وأعز جنده وهزم الأحزاب وحده ) . وأثناء السعي طبعا أدعو باللي ربنا يفتح بيه عليكم لأنفسكم واهلكم ومن اوصاكم وأنا اوصيكم لا تنسوني بالدعاء ..
بعد آخر شوط وهو جبل المروه يكون الحلق للرجال وقص طرف الشعر للنساء وهكذا انتهت العمره وتقبل الله منا ومنكم واتم علينا وعليكم مناسك الحج ...
بعد العمره رجعنا الفندق والمشوار كان بعيد .
وبدءت الشكوي أول يومين من طول المشوار للحرم فمشكورين فالداخليه وفروا اتوبيسات تجيب وتودي للحرم والفندق مجانا طول فتره الحج ما عدا العشر ايام الأولي من ذي الحجه تتوقف الاتوبيسات جميعا من شده الزحام لتواجد جميع الحجاج في مكه استعدادا للذهاب الي عرفات .
في الفندق فوجئنا أن الدور التاني فيه عياده طبيه للرجال وعياده طبيه للنساء تبع وزارة الداخليه الكشف مجاني والعلاج مجاني ما شاء الله شغاليين يوميا ٢٤ ساعه لمده شهر..
ايضا فوجئنا في الفندق أن فيه دور كامل مخصوص للصلاه والدروس والوعظ وشرح مناسك الحج عن طريق مشايخ ووعاظ من الازهر الشريف يوميا بعد كل صلاه لمده شهر ..
كان في الفندق ايضا في كل دور ديب فريزر كبير جدا لحفظ الطعام للي جايبين اكل معاهم ... وايضا كولدير مياه سخن للشاي وساقع للشرب في كل دور
في الفندق ايضا دور خاص للغسيل اليدوي فيه غسالات كتير بس أنا بفضل اغسل علي يدي وانشر في الحمام فهناك مجفف في الحمام وعلي فكره كنت واخده معايا شماعات أعلق عليها غسيلي وكمان اشتريت قبل السفر طبق بلاستيك من النوع الرخيص لأداء الغرض ثم تركته هناك عند العوده ..
وبعد أسبوع كده بدءنا نفكر ندفع صك الاضحيه ( الهدي) كان تقريبا ٤٥٠ ريال والسداد كان في بنوك الراجحي او مكاتب البريد السعوديه ..
وصلنا لأول شهر ذي الحجه شهر الحج الله اكبر .
طولت عليكم بس كان لازم اشرح يمكن حد يستفيد ..
استأذنكم نكمل وقت اخر أهم جزء في مشوار الحج وهو عرفات الركن الأعظم..
منشور رقم ( ٤ )
أكمل معاكم ضيوف الرحمن رحلة الحج اللي بدءت احكيها لكم من فتره .. ربنا ييسر لكم ويبارك فيكم ويتقبل منكم ..
عاوزه أأقول إن من أول يوم ١ من شهر ذو الحجه واحنا في مكه يتجمع جميع الحجاج في مكه استعدادا للذهاب الي عرفات بيكون الزحام شديد جدا بس دي حاجه تفرح. حاجه تشرح القلب. حاجه تخلينا نقول ..
{{ اللهم زد هذا البيت تكريما وتشريفا وتعظيما ومهابه .. وزد كل من زاره حاجا أو معتمرا من تشريفه وتعظيمه وتكريمه ومهابته }}...
الاجتهاد في العباده بيكون أشد والدعاء والرهبه والشوق للوقوف علي عرفات أشد .
وفي يوم ٨ ذو الحجه ليلة وقفة عرفات نبهوا علينا في الفندق ننزل بالترتيب والنظام اللي اعلنوه كل واحد امام اسمه موعد التحرك بالباص الي عرفات وكنت أنا وحبايبي مرافقين رحلة العمر رحلة الحج معايا من ضمن أول فوج رايح عرفات لأننا كنا الدور الاول في الفندق ..
ركبنا الاتوبيس ومتجهين الي مخيمات عرفات للمبيت هناك ( قبل الوقفه بيوم حتي يطمئنوا أن جميع الحجاج خلاص علي عرفات وضمانا لعدم التأخير من شده الزحام وطلبوا من اي حاج عاوز يروح الترويه أنه مياخدش معاه حريم أو كبار فالسن ) ..
وصلنا المخيمات صباحا ووجدنا علي كل مرتبه للحجاج علبه بها كوبايات وشاي وسكر وبسكوت ومروحية يد جميله .. واخدنا كوبونات الغداء الساخن ..
صحيح كان في صرف الوجبات زحاام جدا بس والله كنت فرحانه أنا علي عرفات ايه يعني زحمه احنا في الحج يعني طبيعي الزحام ...
بدءت المخيمات تزدحم وبدء عرفات يمتلئ بالحجيج الله اكبر . يااارب فرح الناس كلها وارزقهم الحج وارزقهم رزقه .. وقبل غروب ليلة عرفات السماء اغرقتنا في خيرها من شده الأمطار أتغسلنا .. ووقفنا ندعو ندعو ندعو ونبكي من الفرحه نبكي مش مصدقين أننا علي عرفات .. واكيد أكيد بنحمد ربنا كل الحمد والشكر مين سواه يستحق الحمد ..
ونمنا قليلا وصحينا قبل الفجر بساعتين كده وذهبنا إلي مسجد نمره ننتظر لصلاة الفجر وانفتح مسجد نمره ودخلنا بسم الله ما شاء الله ايه الوسع ده وايه الابواب دي كلها .. صلينا الفجر وانتظرنا للشروق ورجعنا الخيمه فطرنا وقبل صلاة الظهر ذهبنا مره تانيه لمسجد نمره لصلاة الظهر والعصر جمع تقديم ونسمع خطبة عرفات .. عقبال كل مشاق يااارب .. منظر الحجاج رائع .. وطول الطريق خيرات ربنا الناس مش عارفين يوزعوا ايه ولا ايه عصاير واطعمه ساخنه ومياه معدنيه وفاكهه .. الجميع يتسابق في السعوديه لإطعام الطعام للحجيج وسقيهم وهدايا كمان لهم ربنا يبارك لهم ...
بعد الانتهاء من سماع الخطبه والصلاه في مسجد نمره ذهبنا للمخيمات وعلي العصر طلبوا منا نركب الاتوبيسات علشان يطمنوا علي الجميع أن ما فيش حد تاه .. ركبت الاتوبيس من التعب ناس نامت وناس طلعت تاكل وناس بتتكلم وناس بتذكر الله وبتدعو في خشوع .. قولت لنفسي لأ احنا علي عرفات يوم الرحمه يوم المغفره يوم العتق من النار واستجابة الدعاء .. مستحيل اقعد كده مش حركز في الدعاء ونزلت من الاتوبيس وقفت بعيد عنه شويه بس عيني عليه .. وفضلت ادعوا وادعوا وأرجو الله أن يتقبل دعائي حتي آذان المغرب .. ثم تحركت الاتوبيسات من عرفات مقبولين بإذن الله إلي المزدلفه لجمع الحصي لرمي الجمرات ..
طولت عليكم حستأذنكم واكمل باقي مناسك الحج بعد وقفة عرفات في وقت اخر
منشور رقم ( ٥ )
بعد الانتهاء من الوقوف علي عرفات .. ياارب اكتب لنا العوده ياارب .. ويااارب ترزق كل اللي يتمني الوقوف علي عرفات الحج وترزقه رزقه وتقبل منه آميين ..
المهم بعد مغرب يوم عرفات تحركنا بالاتوبيسات الي المزدلفه لجمع الحصي لرمي الجمرات وصلاة المغرب والعشاء جمع تأخير والمبيت فيها والدعاء المستجاب بإذن الله ..
وصلنا المزدلفه ونزلنا من الاتوبيسات والسائق نبه علينا نحفظ رقم الاتوبيس ولا نبتعد عنه والتحرك بعد منتصف الليل علي الساعه الواحده صباحا وكده يبقي المبيت بمزدلفه .. المهم لازم يكون معاكم ملايه أو حصيره خفيفه تباع في مكه ب ١٠ ريال وانا للاسف معرفتش أهميتها الا في مزدلفه لان الجلوس والنوم حيكون علي الأرض في منطقه جبليه ... المهم اتوضينا وصلينا المغرب والعشاء جمع تأخير وفرشنا ملايه جلسنا عليها وجمعنا الحصي ( ٧٠ حصاه ) عباره عن { ٧ لجمرة العقبه الكبري ..وأول ايام التشريق ( ٢١ ) للثلاث أحواض العقبه الكبري ٧ والوسطي ٧ والصغري ٧ } وهكذا لمدة ثلاث ايام أو يومين لمن تعجل فلا أثم عليه ..
المهم جمعنا الحصي واكلنا وارتحنا شويه .. يااارب تنولوها جميعا وتفرحوا فرحة الوقوف علي عرفات ومزدلفه ومني ياارب ..
علي الساعه ١٢,٣٠ صباحا نادي السائق يالله يا حجاج حنتحرك لمني ولأننا لم نبتعد عن الاتوبيس سمعنا السائق وركبنا علي طول ..
لكن للأسف ولعله خير جميع الحجاج والاتوبيسات وصلت مخيمات مني وناموا وارتاحوا واحنا اتوبيسنا تااه في الصحراء السائق فقد الجي بي اس اللي بيعرفه الطريق وظل يلف بينا صحراء المزدلفه ... وانا أنعم الله عليا بالنوم ولم أشعر بشئ الإ أصحي علي صوت زعيق وخناق وبهدله من الحجاج للسائق وأنام تاني ...
المهم صحيت علي الساعه السادسه صباحا كدا والنهار كان بيطلع ببص حواليه لاقيت جبال في جبال .. ولأننا ضيوف الرحمن ربنا كريم ووصلنا الحمدلله مخيمات مني .. طبعا المراتب اتخدت وكل الحجاج وصلوا في ميعادهم طبيعي وناموا وارتاحوا ...
كل تأخيره وفيها خيره وعسي أن تكرهوا شئيا ويجعل الله فيه خيرا كثيرا .. فقد وقع في يدي كتاب عن مناسك الحج .. قرأت فيه
( أن أهل مني يدخلون مني ضحي . كما يدخل أهل الجنه الجنه ضحي ) ارتحت وفرحت ومزعلتش من التوهان ربنا أراد أن نبات في مزدلفه وندخل مني ضحي .. الحمدلله رب العالمين ..
وضعنا الشنط علي المراتب مع حاجه عملت توكيل لرمي الجمرات وارتحنا شويه .. حبيبي يا الله الله اكبر .. وبدءنا نتحرك مشيا علي الاقدام لرمي جمرة العقبه الكبري ( اول يوم عيد الاضحي عقبالكم ياارب) مشينا وسط الحجاج جميعا والكل عائد من عرفات مغفور له بإذن الله تعالي . ووصلنا لرمي الجمرات الحق يقال السعوديه عامله مجهود جبار للتيسير علي الحجاج ومقمسه الطرق ولوح ارشاديه في كل مكان غير العساكر والضباط بأنفسهم في وسط الحجيج بملابسهم الرسميه منهم من يدل الحجاج علي اي استفسار ومنهم من يرش عليكم رزاز الماء ويحمل الماء علي ظهره في عز الحر حتي يخفف علي الحجاج حرارة الشمس غير المراوح اصلا اللي في كل مكان برزاز الماء تطري الجو ...
وطول ما احنا ماشيين بنبص يمين وشمال ايه الروعه دي ايه الجمال ده .. طول ما أنا ماشيه أسبح الله سبحان الله واكبر الله ما شاء الله منظر الحجاج في جميع الإتجاهات . القلب ينخلع من بهجته وفرحته . الحجاج من كل بقاع الأرض بكل لغات العالم وبكل ألوان وأجناس العالم ماشين وفرحانين بإسلامهم وفرحانين بالفوز العظيم الفوز الحقيقي والسعاده الحقيقيه وهي حج بيت الله والوقوف علي عرفات .. وفي هذه اللحظات أتذكر قول الله تعالي ..
بسم الله الرحمن الرحيم
{{ إذا جاء نصر الله والفتح . ورأيت الناس يدخلون في دين الله أفواجا . فسبح بحمد ربك وأستغفره . إنه كان توابا }}
صدق الله العظيم .. سورة النصر .
وصلنا الحمدلله ورمينا جمرة العقبه الكبري ولحد هنا حققنا ثلاثه من أركان الحج وهي الوقوف بعرفات ورمي جمرة العقبه الكبري والهدي ( الأضحيه سبق ودفعنا صك الاضحيه في بدايه وصولنا مكه ) .. كده يبقي فاضل من أركان الحج الطواف والسعي والحلق ثم رمي جمرات ايام التشريق الثلاثه ..
. منشور رقم ( ٦ )
نكمل بمشيئة الله تعالي لعلي بإذن الله أنفع حاج لأول مره يطلع او أذكر حجاج سابقين بأغلي واجمل ايام حياتهم ..
بعد ما خلصنا رمي جمرة العقبه الكبري أتفقنا أنا وحبايبي الحجاج اللي معايا إننا نطلع علي مكه نعمل طواف الإفاضه والسعي وطبعا مشينا الي ما شاء الله من المشي وكنت عامله حسابي في المسكنات طبعا وجئنا في منتصف الطريق ولم نتحمل المشي اكتر وركبنا أتوبيس طبعا وصلنا حاجه بسيطه في وقت طويل من الزحام وكل شويه يقف يعني لو كملناها مشي كنا وصلنا... المهم وصلنا مكه وعملنا طواف الإفاضه ثم السعي بين الصفا والمروة ... وبصراحه لم استطع السعي تعبت جدا ورجلي مش شايلاني والم شديد . فستأجرت كرسي بعجل وسعيت بيه .. وعند نهاية السعي عند جبل المروه يتم حلق الشعر للرجال وتقصير طرف الشعر للنساء ... وهكذا خلصنا مناسك الحج الله اكبر بسم الله ماشاء الله ... باقي رمي الجمرات في أيام التشريق في مني .. بعد ما انتهينا من الطواف والسعي ذهبنا الفندق ارتحنا واتغدينا وقبل المغرب كنا في مني للمبيت أيام التشريق ...
أيام التشريق دي أيام رائعه هي للأكل والشرب وذكر الله في المخيمات ثم الذهاب لرمي الجمرات ..
حجاج كتييير أجلوا الطواف والسعي لما يرجعوا مكه بدل ما يروحوا ويرجعوا زينا وده عادي .. بس احنا حسينا براحه نفسيه كبيره اننا خلصنا أركان الحج كلها وباقي رمي الجمرات فقط .. فقضينا الثلاث ايام في مني ..
وبدءت تهدي والزحام يخف علشان اللي اتعجلوا في يومين مشيوا فالدنيا راقت في الخيام .. وكنا نذهب لرمي الجمرات بعد زوال الشمس علي العصر كده بيكون الزحام خف فيه حجاج كتير بيروحوا من بدري اوي ويرجعوا ..
عند رمي الجمرات ذي ما شرحت قبل كده ثلاث أحواض ( الكبري والوسطي والصغري )
والدعاء عند الوسطي مجاب تقبل الله منكم ..
بنرمي في كل حوض ٧ حصيات .. ثم نرجع الخيام ونحن في سعاده مرهقين جدا ولكن سعداء ..
خلصوا الثلاث ايام واخدنا الاتوبيسات الي الفنادق في مكه والحمدلله رب العالمين .. فارحين بما من الله علينا من استطاعه لأداء مناسك الحج ..
حجا مبرور وذنبا مغفور وسعيا مشكور وعودا محمود ياارب لكل الحجاج ..
اللهم بارك لنا وبارك علينا وأجعلنا عندك من المقبولين وتجاوز ياارب العالمين عن سئياتنا وتقصيرنا وارحمنا برحمتك يا أرحم الراحمين. اللهم آمين
أتمننا في مكه ٢٧ يوم ثم ذهبنا مدينة رسول الله صل الله عليه وسلم ٣ أيام فقط وتمتعنا بالروضه الشريفه والصلاة في مسجد رسول الله وحبيبه وصفيه وخليله اللهم صل وسلم وبارك عليك يا حبيبي يا رسول الله . جزاك الله عنا وعن الاسلام خير الجزاء فقد بلغت الرساله. وأديت الأمانة ونصحت الأمه وازحت الغمه وأنرت قلوبنا و بصرنا بنور الإسلام ...
أختم معاكم كلامي بالدعاء لكم ..
يااارب يااواحد يا أحد يا فرد يا صمد يا حي يا قيوم أن تيسر لكل الحجاج هذا العام مناسك الحج وبارك لهم ومتعهم وتقبل منهم يااارب آميين .
وأسألك يا الله بعزتك وجلالك وبإسمك الأعظم الذي إذا دعيت به أجبت أن تكتب وترزق الحج لكل مشتاق وترزقه رزقه وتقبل منه عاجلا غير آجلا يا رب العرش العظيم اللهم آمين ..
وأوجه كل الشكر والتقدير لشيخنا الفاضل الشيخ عادل محمد أبو الهيثم فقد كان يساعدنا بالفتوي في كل صغيره وكبيره ونحن في الحج وهو في مصر . جزاه الله عنا خير الجزاء وبارك فيه وبارك له وثبته الله علي دينه وخلقه ..
واشكر حبايب قلبي الحجاج Mohamed El Dsoky و Aya El Shobary
فقد كانوا خير الصحبه وخير رفيق لخير طريق . .. ولولاهم بعد الله كنت مش عارفه حعمل إيه ..
ربنا كتبلي الحج ورزقني بأحب الأحباب مرافقين معي بارك الله لهم وبارك عليهم وجمعنا دائما مع بعض في كل خير ..
أستودعكم الله الذي لا تضيع ودائعه فالله خيرا حافظا وهو أرحم الراحمين ..
والسلام عليكم ورحمة الله وبركاته